熱血時報 | (′▽‵)/ 盧偉聰, 買本《有種罪犯叫休班警察》睇下先啦

(′▽‵)/ 盧偉聰, 買本《有種罪犯叫休班警察》睇下先啦



(′▽‵)/ 盧偉聰, 買本《有種罪犯叫休班警察》睇下先啦



昨日(1月25日)盧偉聰對於有關警察犯事的問題作出回覆,叫作出有關報道及出書的人士,即係包括我,去看看警方對巿民的貢獻,包括做義工,對非華裔及少數民族提供協助等;又係稍早之前,出席的保安事務委員會,指會高度重視案件,不會迴避及姑息警察犯事。

首先做義工呢,同黃洋達所講「呢啲野人人都有嘅,唔關事」,差唔多個個中小學都有啲咁上下嘅嘢要做呢。二,對非華裔及少數民族提供協助,奇怪啦,如果真係咁大貢獻,又會畀南亞人鬧「躝啦Police,屌你老母臭X」,又會係差館當面撕擔保紙,定係向佢地開槍係協助?咁你地可以慳返。 

聽到警務處處長盧偉聰的回應,真係不禁令我想講句:盧處長,買本《有種罪犯叫休班警察》睇下先啦!當警察平時冇咩點做好事,作奸犯科偷呃拐騙樣樣樣做齊,但盧偉聰又講到會「高度重視案件,不會迴避及姑息警察犯事」,咁警方以往點樣「高度重視」、「不會迴避及姑息」法呢? 

朱經緯佔領期間無端打路人後腦,就安安穩穩退休,高度重視定弱視?仲要投訴人不斷打電話都冇人聽。

專恰智障人士,係驗傷後證明沒有表面傷勢後,影智障女童裸照係法庭畀人發現,就話拍照屬警方內部做法,也未能確定相片是在女童驗傷前或後拍攝,而且相片沒有呈堂,故此屬警方內部的事,關人了事;無端拘捕智障男屈人謀殺,相關人士最都係紀律覆檢。 

有疑犯係灣仔警署監守自盜事件後,聲稱在不情願下,簽字放棄追究失款,然後話會檢討,會修訂,但咩人要為事件負責就唔講。 

有警察係法庭申請完傳票然後唔派玩法官,就話自己都畀上司鬧咗啦,想法官唔好追究。 

蘋果記者拍吳克儉,告佢地遊蕩然後放人話有唔滿意咪投訴囉。 

林林種種案件,面對警察知法犯法、濫權,警方都係一貫無視,你咪投訴囉,我地內部處分咗啦。咁具體點處分?都話內部囉!咁就冇咗件事,咁都叫「重視」?警察會做好事?盧處長,你不如買本《有種罪犯叫休班警察》睇下你啲下屬做咩好事先啦!休班警察,當值警察,甚或是退休警察嘅犯罪紀錄都有詳盡記錄。去熱血時報年宵攤位買幾多箱,送幾本畀下屬,告誡你啲同事犯少啲事啦! 

熱血時報年宵攤位: 
日期:2017年1月22至28日 
地點:銅鑼灣維園年宵市場31-32攤位


作者
讀者回應
相關文章