玩得大陸嘅「我是歌手」比賽,就要識鳩叫,那已是近乎不明文規條。
大家有眼所見,大陸觀眾嘅品味,一致傾向於激情萬丈嘅浮誇式鳩叫,唔理歌詞講緊乜,唔理襯唔襯,總之有鳩叫就有掌聲,好似鳩叫至係唯一嘅歌唱技巧咁。
無他嘅,唔鳩叫兩聲,啲觀眾識條蔥邊個位要高呼要喊要交戲咩。
鳩叫完全可以反映出大陸人嘅根深性格:愛炫耀、愛浮誇、愛話俾人知,自己有品味。
你看看嗰啲土豪金,你看看嗰個富二嘅生日派對廣告版,你看看廣東道上血拚嘅冰冰樣。
唔做到出面真係未夠威威。
問題係,佢地啲戲…實在太屎喇。對於我哋一眾睇開毛姐,星爺長大嘅,真係只能兜口兜面講句:「你有條春淚水係到浪下浪下咩?」
然而如今,一個一個北上撈野,歌手好,演員好,導演好…
大家都睇住強國漿嘅一「招」得志,眼巴巴見證住陳潔儀落敗嘅心如刀割,睇住基仔開始摸到法門,瞇眼側頭唱出多少唏噓的你在人海…
唔知由幾時起,我哋原來要變得迎合大陸人嘅品味?
講真呢棍,我真心希望李逸朗搞L掂,當頭俾歌壇一記棒喝。
見返李逸朗,起碼我醒起四葉草,我醒起蔣雅文,我醒起嗰陣未有689嘅香港。上水未淪陷,雙非未霸佔公屋,蝗蟲未傾倒廣東道,903頒獎禮仍然百花齊放。
當個個諗緊點樣打入大陸撈野,李逸朗自資出碟玩返80年代香港金曲,呢種「估你唔到」,呢種過癮好玩,呢種破釜沉舟…
我哋香港本來嘅精神,乜唔係應該咁食腦嘅咩?
你話唱歌唔可以純綷玩靚聲感覺?
你話作文唔可以寫我係香港人?
你話出廣東道唔可以講廣東話?
你話拍鬼片唔可以見到鬼?
你話跑步唔可以用編號D7689?
你話陳奕迅之後已經要聽周柏豪?
咁,我會選擇李逸朗。