在今早（1月30日）的立法會衞生事務委員會特別會議上，「烹飪界新星」立法會議員蔣麗芸追問高溫蒸口罩的問題，衞生防護中心總監黃加慶回應指「以我所知冇呢樣嘢」。然而，蔣麗芸似乎深深不忿，再說「以你所知冇呢樣嘢，咁我就話畀你聽，你自己睇清楚喇，OK」。

午間時份，似乎衞生防護中心已經睇清楚，於Facebook專頁重申外科口罩應用完即棄，不能翻蒸重用，並指不要相信謠言。

聲明指，所有外科口罩都是即棄，用完除低就要對摺棄置於有蓋垃圾桶內，然後潔手。

中心提到，用過的口罩表面已經沾染病菌，不可以袋埋再用，而且濕了的口罩會影響效用，切勿隨便相信網上非可靠來源的訊息。