熱血時報 | 鬆弛熊15周年 x 京急電鐵120周年 合作活動即日啟動

鬆弛熊15周年 x 京急電鐵120周年 合作活動即日啟動



鬆弛熊15周年 x 京急電鐵120周年 合作活動即日啟動



2018年是SAN-X旗下人氣角色鬆弛熊(Rilakkuma)推出15周年,也是京浜急行電鐵(京急電鐵)創業120周年。為慶祝周年紀念,兩間公司由今日(3月5日)至5月13日推出多項合作活動。

合作活動時間長達兩個月,號稱是兩者史上最大型合作。京急電鐵旗下的電車除了會換上鬆弛熊、白熊以及小黃雞的車身塗裝,其中三個車站也會改名,例如「上大岡駅」會改成「上がお大岡駅」,發音かみがおおおおかえき混入了「GAOOOO~」的熊叫聲,仲連車站招牌都換埋,認真鬼馬。

除電車外,京急巴士站牌及「葉山マリーナ」(葉山碼頭)觀光船身也會有鬆弛熊的特別塗裝,葉山碼頭巴士站同埋碼頭等候室仲有四款限定鬆弛熊Tee發售。

另外,京急線部份車站的「えきめんや」麵店會發售鬆弛熊主題麵食。京急百貨店4樓更有期間限定的「Rilakkuma × Keikyu Line Cafe」,供應多款鬆弛熊造型甜品。京急百貨店地庫1樓甜品部,以及横浜駅、上大岡駅内的蛋糕店Sweets Calendar也會發售鬆弛熊甜品。鍾意鬆弛熊嘅朋友,去一去隨時肥幾磅返嚟呀。

最後當然唔少得一大堆謀殺荷包嘅鬆弛熊x京急合作精品啦。呢排飛東京真係避無可避呀!


(圖片來源:京急電鐵官網)

作者
讀者回應