日前，有段MK青年大戰強國人（以下會稱為「後傳」），亦都係廣傳嘅嗰條片。其實仲有一段「前傳」的片熱播全港。故事大概背景係一位少年目擊一對操普通話的夫婦帶住細路在旺角街便溺，並將其拍低。其後遭到該對父母搶去少年相機內的記憶卡，更對其追打還擊，最後少年堅持拎返他們的記憶卡，然後報警。

=== 前因後果，如果自問已了解片中過程，看倌可自行省略 ===

先交待少少「前傳」的內容：片中清楚見到少年被孩童父親搶記憶卡，然後在第三者的手機見證拍下過程，兩方在爭持下少年宣布報警。

再講「後傳」。

觀乎「後傳」的前半部分，頭一分鐘少年幾乎處於捱打狀態：孩童母親一路用BB車輾佢對腳，少年被人襲擊反而被屈打人，還有被孩童父親推撞。

影片中段該對夫婦應係想走，不過少年拉實BB車，不讓犯事的人就此離去。

夫婦就開始為自己嘅行為說項。

先是孩童父親向少年質問：「你有沒有孩子啊？有沒有孩子啊？」

而孩童母親則以小孩子如廁要排長隊來不及為理由向群眾申辯。

而影片後段路人竟然傾向對少年作出指責，理由竟然係：

「嚇親個細路呀──」

「好小事啫﹗唔好嚇親個細路呀──」

「係咪蝦個細路呀？！」

少年操不純正的普通話，淪為笑柄。

最後亦有途人與孩童母親爭論，直至有疑似警方到場。

====================

講咗咁大堆背景，其實係想交待一個喺街目擊一對大陸夫婦帶孩子隨處便溺後見義勇為嘅少年，佢嘅後果係咩？被人偷記憶卡、被一對大陸夫婦推撞同打，當然唔少得指罵（根本唔係講道理）。但當犯事者講完一大堆戾橫折曲嘅鬼話去掩飾自己嘅過錯，竟然得到路人同情。不要忘記，嗰啲路人應該係香港人。

最後見義勇為嘅少年卻成為「蝦細路」嘅兇手。正義無得到申張：如果拍片影低罪証，卻落得「蝦細路」、「未做過老豆唔識體諒」等罪名，試問第時仲會有邊個會再出嚟伸張正義、指出錯處？

相反，錯誤嘅行為無被當場指責，反而獲得同情。

在「MK青年大戰強國人」此事上，我發現香港人有幾個通病：

1. 一見到爭執，就各打五十大板，覺得兩邊都有錯。（事後聽返嚟係咁）

2. 聽到細路仔喊，就會開始同情心發作：「稚子無辜」、「父母要湊細路已經好辛苦，做咩仲要被人鬧」。

3. 香港人好鍾意喺現場就講同情，返到屋企就話「港鐵又有屎尿屁」，「大陸好多嘢都信唔過，唔好上」。呢類人平時都係好好先生。明明骨子裡就係唔鍾意大陸人，但就係佢哋惡呀嘛。「唔想同佢哋嘈，咁可以點啫！」即係欺善怕惡。

香港人，到底你哋個腦諗緊乜嘢？！大陸人自己幫返自己友同聲同氣、戾橫折曲都算，佢哋污染緊你屋企呀，係你哋行開嘅旺角街頭痾緊屎呀！你哋係受害人竟然要同情人哋啲細路？！人哋使你幫咩！佢覺得畀人冒犯，唔識自己搶你記憶卡、唔識搵車轆你腳咩？使你幫！

唔好諗住以上係「個別事件」，只有一單兩單就完。當你縱容一單「周街痾」，之後就肯定有千單萬單痾屎痾尿，甚至問點解唔設置「行人痾屎專用區」。到時你想再點「臭屎密冚」，甚至遮住雙眼講「I Can’t see SHIT」，你都難逃踩到一腳屎嘅命運。

P.S. 撰寫此文只想證明我對此事有火，各類解決方法、技術分析文章請移玉步到其他文章。

再P.S. 雖然唔想追住新聞寫，不過睇到部分香港人的反應，實在不吐不快，必須撰文一寫。

技術文章：
【姐死姐還在：幫你細路「抿」屎前，先「抿」乾淨我哋塊地】
http://www.passiontimes.hk/article/04-23-2014/14221

分析文章：
【LadyKylie：從隨街大小二便看中國人的歪理邏輯奇觀】
http://www.passiontimes.hk/article/04-23-2014/14213