香港，在1997年被中國收返。在2021年被收埋。

廣東話的「收埋」，是收藏好、不公開給別人觀看，以及留給自己私用的意思。

例如「你屙兀尿就收埋碌賓周啦，條巷仲有人行嘎，你撚揈揈好好睇咩？」又或者「喂，阿女你屎忽罅都露咗出嚟喇，用衫尾冚住先啦！收埋個八月十五啦，家下貪好睇咩？」收收埋埋，是不給人看，「你做乜收收埋埋啫？你有嘢唔畀得我知咩？有嘢咪講出來大家商量下囉！」

「埋」是語詞，也帶有實詞的埋入土裡之意思。而做埋、睇埋、埋尾、埋年，不是埋入土裡，而是做完，又或者順道額外做完、終於搞得掂。

自己不想做，就說「你做埋我嗰份啦！」至於「收埋」，就是之前露出一橛出來，不大好看，於是要收埋。有家長覺得女兒出去拋頭露面，與外人眉來眼去，有失家風，於是要由街頭收埋入屋，好好調教，第二時出外就密密實實，不會辱沒祖宗。

今年共產黨決定收埋香港啦。

在共產黨眼中，是看不到香港在1842年至1997年這段時間的。共產黨只看到香港在1997年是零歲，去到2019年，就是廿二歲，竟然「反送中」，而且同鬼佬眉來眼去，又舉美國旗，唱美國歌，去美國遊說，實在羞家！於是火都嚟埋，即刻收返香港，不准民主選舉，沒收護照，不准離境；而且狂搞防疫，令香港人出門寸步難行，並要戴口罩掩蓋面容，不准勾三搭四。搞完油麻地天水圍就搞半山區，趕走啲鬼佬鬼婆，將香港收埋自己做。