就唔講政治同法治，以家長角度去睇間小學可能收三非單野。家長要啲乜？無非係個小朋友開心健康咁成長，讀書成績好。

Discovery 曾有一個節目，講小朋友成長的，最初一班小朋友自由喺一間大房玩，大家都會自由組合，各小組之間都會有良好互動。之後科學家比兩種顏色嘅衫比啲小朋友，一藍一唔記得 XD 當係一藍一紅吧。有趣的事發生了，就係原本好多小組嘅情況，收成兩大班，而原來同組嘅小朋友因件衫唔同色就會分開。個實驗表現小朋友的聚散會按人類天性，物以類聚，人以群分去做。

講番單嘢，如今高牆倒下了，進擊之巨人來了。即使老師同家長教啲小朋友點包容大愛，去接納新同學，但按人類天性，我哋已可預知將有不少同學杯葛巨人。巨人打人片廣泛流傳，我不認同網民所指是技安，技安本質都是好人，大雄有事係會捨身取義去幫朋友。我哋由片中見到的只是一個面露惡相，面目猙獰，追打無還擊力既惡霸！

試想想，如果你的子女同巨人同班會如何？一開始，不少小朋友隨著天性，會因年紀及身型之巨大差別而唔同佢玩；之後巨人發爛，欺負同學；順者生，有一班會變咗阿福咁當巨人係技安咁表面順從。而有些繼續唔想同巨人做朋友。肥仔嘅巨大差異及惡形惡相，其實就好似上面實驗中件衫嘅作用，成班同學由原本各小組及有互動，最終分裂變成兩大班。

作為一個普通家長，你可以唔理政治，甚至唔理法治，但你總不能唔理自已個小朋友嘅校園生活。你可以自欺欺人，話香港無事，但小朋友係最率性的，人性係人以群分，你點都唔能夠要求及改變到所有小朋友自欺去包容大愛個巨人，結果會點，你哋自己諗下啦！