熱血時報 | KongPig超第一場感受

KongPig超第一場感受



KongPig超第一場感受


上星期五(5月25日)完成了《棟篤笑死朕:KongPig超》第一場,演出結束後,小弟足足感動了兩日,才能寫出感想。

棟篤笑的舞台,是很孤單的。不管是演出前,或者表演中,你沒有任何東西可以依賴。出場前,別人又無法了解你在煩惱什麼,煩躁什麼,在更衣室自言自語鬼上身咁,手足想關心我又關心唔到。圓形場好難駕馭,想行落台,但行去邊都好似唔啱咁,最後只能趁唱歌時落台握下手,玩唔到野⋯⋯

而我唯一能依賴的,就是賭在觀眾對我的寵愛:「我信佢地會畀面笑出聲嘅!佢地咁錫我!」

這是唯一能安撫自己情緒的話語~~

直至聽見笑聲之前,是完全不可能有自信的,如果自我中心到極點的話,其實扔棄了的GAG,單計量夠開多另一個SHOW,但當然係唔得架啦!就算留下來的GAG,也是沒有自信的,直至聽見笑聲確認。

每一次聽見大家的笑聲掌聲,心底都會唸一句:「謝謝幫襯,感激畀面!」那一晚,大家都很畀面,大家真的很愛錫我!



演出棟篤笑感覺很緊張,也很孤單,但其實幕後的手足更緊張,更孤單。因為我總是要度到最後一刻,就連採排過程,我也在不斷改寫演出內容。

幕後人員,想要為我準備得更多東西,但完全準備唔到⋯⋯因為佢地根本唔知我會表演咩。但就算如此,他們還是不放棄,盡全力希望可以錦上添花。

有一個細節,我西裝上有一個小襟章,是幕後人員幫我準備的「餃子自爆襟章」,其實去到尾,佢地都唔知我個SHOW,到底關唔關龍珠事,萬一真係關事,咁一D龍珠野都冇喺台,好似唔似樣⋯⋯但萬一唔關龍珠事呢?準備到成個台娜美星咁樣,咪好尷尬!

於是,佢地用左呢個方法,整左D介乎睇到與睇唔到之間嘅元素,放入係個表演中 XD

很多人盡心盡力,才能成就當晚的演出,感謝大家!

其實講漏左幾個GAG(主要關於老豆,我成日講佢,唔記得邊D講過,邊D未講),6月3日會補返,也修改了不少部份,會努力做得更好!

6月3日還有最後一場:
http://www.passiontimes.hk/4.0/talkshow2018.php

作者
讀者回應