熱血時報 | 黃之鋒反咬本土派無心搞全民制憲

黃之鋒反咬本土派無心搞全民制憲



黃之鋒反咬本土派無心搞全民制憲



黃之鋒昨晚引述一篇《破折號》訪問黃毓民的文章,極其「陰濕」。文章刻意形容黃毓民雖曾倡議發動「全民制憲」,但暗示本土派與熱狗辦事不力,根本無心推動呢個政治議題,不過「學民」就唔會流於口號,而會真真正正去推動修改基本法。

本土派之內,有關全民制憲的討論與論述亦逐漸變得邊緣化。至少,熱血公民的「全民制憲網上系統」,已經有接近一年的時間沒有更新。對於熱血公民的網上全民制憲系統,沒有持續不斷地推廣,毓民指出這固然是一個問題。
-------------------------------------------------------

《破折號》雖然話呢篇文係黃毓民嘅專訪,但連引述毓民完整句子都無幾多,其餘去講「全民制憲」嘅關鍵位,全部係學民仔「剪剪貼貼」。文章有多處「殺機」,如下:

1)將本土派同「港獨」有意無意混淆。
2)扭曲黃毓民話「講港獨、歸英係嗌吓嚟過癮下」為整個本土派的態度。
3)承認黃之鋒唔係第一個提「全民制憲」同「修改基本法」,但暗示黃毓民與本土派得個講字。

「嗌嚟過癮下」的港獨-本土派的問題與前路
毓民認為現時有關港獨的呼召只是一句口號,筆者固然十分同意....但對於支持「全民制憲」,支持焚燒基本法的年青學子而言,如何令我們對於憲制的訴求不致淪為一句口號,也許就是我們必須深思的一個方向。.....這場與基本法的角力到底如何發展,就看我們如何推進這場運動了。
-------------------------------------------------------

其實黃毓民最近已經多次講過,佢唔介意學民唔畀 credit 佢,只要佢哋真係去推動「全民制憲」就得喇。不過黃之鋒似乎無你咁客氣。唔好唔記得黃之鋒三月時話「修改基本法不切實際」,但上個月又提出改憲。大把人閙佢係反口覆舌政棍,佢一直唔回應。到今日,佢唔止反撃,係反咬你本土派無心搞「全民制憲」。

我有朋友早排話應俾機會之鋒,但你睇下佢副德性:點止政棍咁簡單!


作者
讀者回應