Talkshow過後，今期流行「我家記者」－ 不禁想到好耐好耐以前，畢業於新聞系後順理成章做個小記者，任職專教人洗腳唔抹腳的版面（入行後才發現大部份同學仔或師兄師姐都在跑港聞時事政治beat，像我這情況的少得可憐）。人生第一次出差到北京，三日兩夜做九個專訪，返港後老總要求一次過刊登所有訪問稿，寫稿寫到手軟。最後學到的不是甚麼據理力爭，而是唔好怕瘀、不恥下問，因為無稿交時總編大人都係無面俾的。

讀著每一期的《熱血時報》印刷版總憶起前塵，約訪問、影相、排版、付印......科技再發達都好，腦汁與文筆依然靠自己，AI無法幫上半點忙。由是想到，黃洋達用那一點點資金辦《熱血時報》，直到今時今日，有印刷版報紙、網台節目、talk show和台慶，有聲又有色；今日香港還有誰會咁樣做傳媒？他付出的心血和腦汁絕對值得尊敬 － 雖然要表達對他、對《熱血時報》的支持，最好最直接的就是課金；不過，我又直覺覺得他是個「老派」，堅持即使《熱時》莫財亦要取之有道，所以才會有那麼多鬼主意，務求要大家笑著課金。

然後就有Prime。

由免費到付費，若處理不好係會令人嬲豬的，睇當日whatsapp開始收費就知。但《熱血時報》的理由再也清楚不過：隨著愈來愈多節目，再也無法負擔資料庫的支出了，故不得不開始收費，沒有比這個更充份、更委屈的理由了。非PassionPrime用戶依然可以免費聽返一個星期內的節目，著實合理；至於PassionPrime用戶就多多fun，除了無限重溫，額外可欣賞獨家節目、漫畫（牛佬阿國《金蒙空》更是日日update）和小說，仲可以追返晒所有以前錯過的節目（很多人向我推介《男女市場學》），還有網站上所有熱血製作節目（即是〈棟篤．笑死朕：KongPig超〉上載後都可以免費睇）......

加加埋埋、扭盡六壬才收你65蚊一個月，搞到我好擔心，月費咁低，究竟係咪真係維到皮？世上所有免費午餐都代表著無回報的付出，而現在黃洋達的做法卻只是收回成本價去買貯藏空間啊！

自細覺得聽電台就好似偷聽人講嘢，所以一直好少聽，即使身處的地方有人開收音機都會用念力mute咗條聲（這算是數一數二無用的特異功能吧），所以我是很後期很後期才成為《熱血時報》網台節目聽眾 － 有幾遲？2017年5月底。首個收聽的節目是〈建國神話〉，只為了陳雲先生。而頭一次聽〈國立大台〉，簡直是開心大發現 － 瘋狂地笑，笑得人仰馬翻。好記得當日節目上762唱《祝福好姊妹》，歌詞寫得非常到肉，邊聽邊想，嘩，拍埋MV不得了！自此之後追住聽，還「發掘」到不少粗口橫飛營養豐富的節目，大有相逢恨晚之感。今年在旺角年宵遇到762本尊，有機會埋身傾兩句，對他的了解又多些少，亦順道捧著《762國立精選：實況唱作》回家去，算略盡綿力。

無法想像亦不敢想像，沒有《熱血時報》的日子會變成怎樣。但為保障自己成為聰明人類之權利，在能力範圍內以實際行動支持他們，責無旁貸。否則，與那群只會叫嚷「點解香港會變成咁」但每逢有小店結業就在社交媒體上長嗟短嘆的KongPig有何分別？

PassionPrime訂購連結及服務介紹︰http://www.passiontimes.hk/prime/

（編按：本文刊載於熱血時報印刷版第59期。熱血時報印刷版訂閱連結：http://www.passiontimes.hk/4.0/regform.php）