昨日，我跟很多人一樣，參與ice bucket challenge活動。開始時仲有啲疑惑，唔知其他人會唔會覺得我係玩？但因為自己細佬提名我，我一定撐。

當我真做時，搵冰、水桶，上網捐款時嘅過程中，感到出小小力就可以幫人，又點解要別人認同呢？片段分享之後，得到唔少人支持，但同時間卻有一位朋友同我講：「你浪費食水，你應該喺草地玩，當淋花草都好呀！」

我心裏有好多體會，點解當別人做好事時，有人會把好事變作批評？點解有人面對簡單，單純嘅關心時，就忽現大仁大義？點解一啲喜歡打水搶，去浸浴、推拿同去waterpark嘅人，會咁珍惜食水？

我承認有好多人因為玩，根本忘記冰桶挑戰本來意義。但係當人真心付出小小力時，點解要批評別人浪費呢？我哋真係要每時每刻，都要只有批判而不加思考嗎？

這事令我聯想起香港政治前途及自己信仰經歷。香港貧富問題，中共專政，民主受到威脅，但有人就會把焦點放在操行上，例如講唔講粗口。在信仰生活中，弟兄姊妹在艱難中，可能只係要一個關心、微笑、或一個祈禱，但係最後可能係一句：「你好耐冇返教會囉。」「佢咁樣點有資格做基督徒？」

其實我哋係唔係要做一個只係識找人錯處嘅人呢？我哋係唔係好難去看到別人嘅美事呢？誠實說話可以加上愛心嗎？我只係一個好普通，簡單嘅人。有需要嘅人，我哋要幫，唔開心嘅人，我哋會關心，That's it！！

住在 New York 的香港人

（youtube截圖）