喺香港,尋晚Facebook喺颱風吹襲期間推出報平安功能,俾香港同澳門嘅用戶報平安,以免親友擔心。但一入個報平安嘅專頁,唔少人都攞個報平安功能來玩膠,有人用來溝女、約腳打牌、甚至鬧人。
正所謂「每逢佳節倍思親,每逢天災多賤人」,幸災樂禍係中國人嘅民族劣根性,當年口口聲聲話「多難興邦」嘅,就係時任嘅中國總理溫家寶。
依家香港好多人都話「香港不是中國」、「香港要獨立」,但論幸災樂禍嘅程度來講,香港人同大陸人根本無乜分別。呢班人攞Facebook個報平安功能來玩膠,其實同大陸班糞青喺啲網上論壇度開題慶祝日本地震有乜分別?
都仲未計有杏花邨嘅海邊大廈高層居民拍片影住巨浪拍打低層住戶時,錄埋佢地全家大大小小老老嫩嫩一齊開心興奮嘅笑聲。
而最可惜嘅係,Facebook個報平安功能,唔少澳門人都因為網絡停頓上唔到網而無法使用。相反,呢個功能就俾好多喺風暴中安然無恙嘅香港人用來玩膠。睇見呢個情況,就令我諗起嗰幾筆捐去俾大陸震災嘅政府撥款,當啲錢去到大陸時就被班高官用晒去吃喝玩樂嫖賭飲吹,最後有幾多錢真係落到去班災民手上,呢個永遠都係一個謎。
喺幸災樂禍嘅劣根性面前,香港人絕不比大陸人高尚。笑甚麼,畜牲,你也是中國人。