全國政協常委、星島集團主席何柱國，今早（8月30日）出席無綫節目《講清講楚》時表示，北京政府不放心選出不愛國愛港的行政長官，更以黑社會舉例，指公民提名如果推舉出黑道中人選特首的話，不知會如何處理。

對於泛民擔心高門檻會造成篩選，何柱國認為泛民未必沒有機會出閘：「我覺得中央到而家都覺得泛民裡面有愛國嘅人喎，佢唔係不愛國喎，所以冇話限制唔俾佢出閘架，或者係佢自己驚呢？」何柱國續指，由愛國愛港人士做特首是「天公地道」，指不承認中國「又做嚟做乜先」。

何柱國更直言不認同公民提名：「如果係公民提名，香港會好亂。譬如咁講，香港有二十萬黑社會……據聞呀，咁佢梗推到個黑社會出嚟架，咁你又點處理呢？」

在兩年前的特首選舉期間，何柱國曾表態擔心由梁振英會令香港「一鋪清袋」，如今何柱國認為梁的福利政策克制，可以放心：「其實我係驚一個民粹主義出嚟買票，呢個係我最驚嘅，因為做政客最叻就係揼錢落去，啱唔啱呀？唔係佢錢嘛，人哋錢嚟買票買人歡心，但到今日呢，佢（梁振英）亦都好克制，他亦都花咗二百億喺民生嗰方面，為香港窮嘅人幫補，所以佢仲未『一鋪清袋』住，所以放心。」

（《講清講楚》截圖）