熱血時報 | 沉默害死下一代

沉默害死下一代



沉默害死下一代


香港已經處於水深火熱困境,人大常委會為香港普選落閘,預先篩選內定候選人畀香港人揀,是之為「假普選」。得爛橙俾你揀,無理由要袋住先,一袋就返不到轉頭。

我知你哋都大概知道呢個假普選係有幾離譜,但我哋唔可以就咁忍氣吞聲,默默認命,難道你想香港變成大陸咁?你忍心俾自己的地方繼續墮落?繼續俾香港文明倒退落去?你想你日後的下一代喺呢個墮落的香港生活下去嗎?繼續唔反抗,我哋會愧對下一代。

9月1日早上,熱血公民到亞洲國際博覽館會場示威,警察郁下就噴胡椒噴霧,仲要未有事先警告噴,好啦,噴完人仲走去拉人,以「在公眾地方行為不檢」之名,為何警察可以動不動就用武力,仲可以隨便拘捕人?香港人連表達反對意見都不被容許。

9月1日晚上,熱血公民到李飛下榻君悅酒店外示威,在集會宣布結束後,警察又拘捕19人,有一個熱血公民成員更被六個警察一齊壓落地下,這才是好暴力;另有一個女示威者,更被男警察雙手捏揸胸脯,`賤警最後逃之夭夭,搞咩呀?使唔使咁誇張?人哋都解散啦,警方還要大陣仗咁拘捕?

香港慢慢變成警察城市。

朋友,如果你哋都感覺到香港正在淪陷,請不要啞忍,自己想一想究竟自己可以如何反抗,不要等個社會運動將趨成功,你才走出來。你們不主動反抗,只是繼續等待,社會運動永遠都不會成功。

繼續沉默,香港就會於我們這一代淪亡,會是我們害死下一代。


作者
讀者回應