連日來均未有出席公開活動的行政長官梁振英，今早接受無綫《講清講楚》訪問，聲稱在佔領行動期間，從來都沒有打算下台，並認為辭職亦未能解決事件。

梁振英表示：「我相信我落台解決唔到件事，因為學生同佔領行動嘅朋友，佢哋要求更加大嘅，係要人大常委撤回8月31號嘅決定，呢個係不可能嘅。咁仲有要求公民提名，一樣都不可能嘅，因為我要根據《基本法》同人大常委有關嘅決定，做好2017年普選準備工作。」

對於警方於佔領首日，施放87枚催淚彈驅散群眾而備受批評，梁振英澄清這是警方現場指揮官的決定，並認為要相信警方的專業判斷。當被追問停止發放又是誰決定時，梁振英就表示：「整個形勢當然我會參加，而且警方喺人群冇再激烈衝撞警方防線嘅情況下，警方唔需要用就唔會用。」被問及催淚彈是否激化更多人上街，梁振英就認為不應該干預現場警察執法的決定。

當被追問是否認同警方的判斷，是否需要道歉時，梁振英沒有正面回應，只是說「大家都可去判斷」，又指不應以政府首長介入警方當時現場的行動。梁振英並否認警方縱容反佔領人士，否則當日傷亡數字肯定很嚴重，而且受傷的肯定會是佔領人士。

（無綫新聞截圖）