早在三個禮拜之前，雨傘革命開始了數天，部份朋友淆底，話會有流血收場，唔好推啲學生去死。

我冇理呢啲閒言，我話：「人多，就會贏。」

真係要撤退的話，學生就真係會死！唔係俾解放軍或警察鎮壓而死，而係未來的香港令他們死。大家現在有安樂茶飯，卻忘記了一個重點： 「將來的香港，就是屬於這班年青人的。」

為何他們要為自己未來的家出來抗爭，在你的眼中就是罪過？

事實上，不是在「你的眼中」是罪過，而是對「你的生意」來說是罪過，自私也。

「人多，就會贏」， 我依然覺得我的話沒有錯的，人多，學生的危險機會就會越低。人多，警不敢亂清場，就算要清場，都有一定困難。所以過去幾個星期，他們陰招盡出！放催淚、警黑合作、扮示威者勸退、假撤退、假挑釁、先游說後食言、製造假塞車、控制傳媒輿論戰講到警察有幾慘有幾傷，真係乜陰招都出齊！

但係，好彩，旺角，係打不死的！佔領者一日仲 KEEP 到人數喺度守住，佔了的不只是街道，而是上風。

人多，輿論越大，越多人會覺醒，而不再是又看表面的「阻住你搵食」。

係你哋唔參與運動的人淆底，我從來冇淆過！

真的有事，大家都曉逃跑，人家學生不是下下要你叫先識走，人家都有獨立思維的，上一代就是永遠覺得自己最醒最識時務。

反過來，你哋真係信會出軍隊、會殺人的話，因此而撤退，之後的政府更會為所慾為！而家已經有黑警可以非禮人、暗角打獲、包庇黑社會等，你都仲話可以「退一步海闊天空、下次再抗爭過」？下次仲會俾你抗爭？啲保皇黨仲唔渣渣林舉手立23條？傻架？

呢次係冇得退！退左，香港之後正式變為大陸。大家仲繼續好自 HIGH 咁享受自己係「香港人」，卻不斷遠離文明、自由。