10月3日，黑社會打學生，萬幾人湧出彌敦道，警察最多兇下人，打人係黑社會居多。當時我同其他市民制服黑社會交畀警察，佢哋最多放人，都唔敢拉我哋打我哋。嗰一刻，我仍然覺得對警察，我們沒必要太多自衛。
10月15日，有勇士死士幫旺角解圍及升級佔領龍和道，換返嚟係咩先？割席，叫人唔好增援，話抗爭者係鬼。結果暗角事件，被警察毒打已經開始發生，奇怪嘅係對面海嘅旺角人唔敢掉以輕心做足準備，金鍾只係一街之遙卻彷彿事不關己。紏察大台考慮嘅唔係差佬武力升級應對，而係點同勇武抗爭者分隔，甚至公開指責及暗示在場留守者，某某組織式人士激烈過頭，是想搞散運動云云……
10月17日，旺角第一次清場，早上係班中堅百幾人頂到晚上萬人空巷，真係有二萬人呀，那時候警察真正主動出棍。前線勇士頭盔卡板出晒，話人多就贏？都要前面有人頂，有人推呀。我見過旺角手足個頭爆緊缸都仲頂緊呀。無大台無糾察，大家更有默契，點解？因為我哋唔要光環，只要做好件事。事實係我哋都無和理非，咁嗰日有無好過份咁俾人影到打差佬呀？
11月18日，衝立法會，當時做野百幾人，因為其他俾人屌走晒，破玻璃更唔啱都叫封咗立法會一陣，個啲人都勉強守咗一晚，無咁多人爆頭俾人拉，知唔知點解，因為無人要光環，一個人俾人拉有理無理幾十人圍咗至講，差佬再拉唔驚暴動？唔驚之後再多人出嚟？換返嚟係咩？暴民，暴力！割席，義務律師都唔幫你呀！上星期旺角清場，差佬砵蘭街打到仆街，山東街口主戰場，有人用木盾頂住，特警一時三刻都攻唔入，之後入到俾傳媒拍晒所有醜態，再次喚醒香港人，於是之後兩晚萬人空巷鳩嗚，形勢返嚟。
學聯吹雞，叫人11月30日夜晚出嚟。只要佢哋同泛民放低個光環，唔好講咩唔做得，唔好阻撓人，少咗之前的割席出賣，我肯定至少多一千人撐你哋，而呢一千人喺最前唔怕死的。呢一千人見到前面學生拎紙板盾流晒血戇居居咁俾人打都會心痛，不過真心講句，咁和理非，我哋真心無能力去幫。所有香港人醒啦！再一次相信群眾同自己判斷，唔好俾大台或學聯或誰告訴你點做。旺角頂咗咁多日流血贏回聲勢唔係靠暴力或和理非，而係旺角人嘅默契同信任。嗰一刻有人被拉，只要夠人一定幫拖先，有人圍差佬同還拖一定有理由，而唔係睇住同伴俾人拉，或者覺得佢還拖唔抵幫⋯⋯
你哋眼中旺角咁失控都無咁多損傷就係因為我地哋互相合作，唔會理民意。差佬尋晚就係知你哋唔會還拖，所以夠膽4-5人殺入百人陣，中條旺角？無一隊兵佢都唔敢衝呀。
我唔主張主動攻擊差佬，不過兩陣對戰你講明唔還手唔俾對家打死都算係咁啦。 BTW，旺角無和理非都無差佬行唔返出去，我哋係熱血衝動，但絶唔係傻的暴力份子。