TVB藝人洪成城日前於個人 Facebook 貼圖宣傳新劇《實習天使》，首句留言就指「護士，喺社會上地位不高」，被人批評為貶低護士。今日（12月2日）洪永城再於 Facebook 貼文解釋，承認詞不達意，並向公眾道歉，但就同時呼籲網民看留言時要「睇埋內文」。

洪永城表示：「撰文嘅原意，係希望帶出護士嘅貢獻同功勞、其實同醫生同樣重要，護士喺社會應該獲得更高度嘅尊重，呢個就係我想表達嘅意思。如果有時間，希望各位除咗睇第一句之外，睇埋內文。不過可能我詞不達意，引致各位、特別係醫護界朋友不滿，我懇請大家可以接受我嘅道歉。透過今次拍攝更令我體會到護士工作嘅難處；我認真地尊重你地嘅工作。」

洪永城道歉之後，今次就吸引不少 fans 支持留言，表示：「洪永城，你無錯，但網上世界的確係比你想像中危險，小心！」並反插護士過份敏感及小事化大：「成班護士幾句說話都冇能力去正確理解，人地係讚緊你地呀，明唔明呀！」

（實習天使及洪永城fb截圖）