熱血時報 | 等到蚊瞓...Zzz 大阪超長等候時間平交道

等到蚊瞓...Zzz 大阪超長等候時間平交道



等到蚊瞓...Zzz 大阪超長等候時間平交道



平交道,是指道路與鐵路的平面交匯處,香港除咗輕鐵交匯處之外,一般都比較少見。日本大阪就有個出名嘅平交道,除咗出名有多款鐵路車種路經之外,最出名就係:等!

南宮原平交道(南宮原踏切)位於JR新大阪站與東淀川站之間,全長約47米,橫跨8線路軌。就近大型車站交通就肯定繁忙,多班列車同時駛經平交道也是等閒事,不過要等幾耐呢?有鐵道迷就實地拍攝過,早上繁忙時間一等就是40分鐘!

片段所見,有踩單車但唔想繞路天橋嘅市民都等到氣餒;亦有在閘前死心不息嘅私家車,等候十多分鐘後還是要敗走。即使你奇蹟地等到平交道開閘,橫過時間也僅有20多秒,一開閘嘅時候單車行人都要極速推進。



資料顯示,南宮原平交道係JR西日本地區嘅落閘王者,落閘最長時間足足57分鐘,每日平均有16小時係處於落閘狀態。平交道雖然由電子訊號控制,還是安排了當值人員看守應付突發情況,不過佢更多時候係負責指點在閘前等太耐嘅車輛如何繞路走。

由於實在太無效率,配合東淀川站改建,大阪市計劃在2018年取消南宮原及另一邊北宮原兩段平交道。



作者
全球化計劃NEW

熱血時報全球化計劃

過去數年,熱血時報致力透過新聞報道和評論文章向大眾傳訊。為把真確資訊傳予更多讀者,現時各位讀者可通過課金系統,以金錢支持個別報道或文章。

每週獲得最多課金支持的3篇文章將會翻譯為英文,以讓英文讀者可從熱血時報取得資訊。其他未入三甲的文章將滾存至下週結算。如讀者希望你欣賞的文章可讓更多人閱讀,歡迎課金支持,同時編輯和作者亦可借此計劃得到大家的實質支持,有助我們進一步提升傳訊質素。

※ 熱血時報將抽取其中30%作行政及製作費用
課金金額(HK$)
  • 100
  • 250
  • 500
  • 1000
  • 2500
  • 其他
下限為HK$100
讀者回應