呢幾日,鐵達時一年一度嘅廣告宣傳又再掀起城中熱話。唔少朋友睇完《100年之約》呢個廣告之後都大為感動,有啲仲忍唔住流左兩滴眼淚。可能,大家都好耐無聽過學友嘅「愛是永恆」啦……
故事嘅主角係一位婚姻登記員,佢向廣告裡面成日因為一啲小事同女朋友鬧交。嗰女仔仲要迫婚不成,離家出走添。本來,嗰男主角已經打算放棄呢個橫蠻無理嘅女朋友。不過,佢突然醒起兩位客人嘅故事,騎住單車追的士。
令佢回心轉意嘅係,一位對太太不離不棄嘅老人家。雖然佢太太患有失憶症,但呢位老人家決定每年都要追返佢,仲要簽下100年長約,希望下一世繼續同佢再續前緣。就係咁,嗰位婚姻登記員好內疚,決定追回女朋友,說「時間讓愛更了解愛」咁話。
最後,呢位婚姻登記員同女友手牽手,騎住單車,戴住鐵達時,繼續走下去了。
睇完呢嗰廣告,真係有啲唏噓。諗返起當年發哥同吳倩蓮嘅名句「不在乎天長地久,只在乎曾經擁有」,教識我做人無論識女仔、讀書、做嘢…… 都要勇敢去試、勇於去做。雖然最後未必會有一個好嘅「結局」,但你會有空間去嘗試、去做自己想做嘅嘢。喺未必會有結局架啦!不過,呢嗰就係「戀愛」嘅自由,亦都喺「選擇」嘅自由。
今年呢嗰廣告,唔單止「娘」,仲有嗰「無厘頭」嘅婚姻登記員。查實,原來向愛爾蘭結婚,結婚雙方可以協商婚姻關係嘅有限時間,由1年到100年不等。約滿之後,如果雙方願意繼續一齊生活嘅話,可以辦理續約。當然,收費會因為婚期嘅長短有所不同啦!如果唔喺,大家就無拖無欠架嘞。
呢嗰安排向香港人嘅眼中,梗係有啲古怪。不過,呢啲先係「自由」嘅體現。點解?坦白講,有好多時候,一個人嘅選擇真係會隨住時間、地點而變化。所謂「一紙婚約」都唔會例外。向自由嘅地方,如果雙方有所不合,咪選擇分開囉。夾硬向埋一齊會點?咪好似早幾年香港或者依家大陸咁,家庭暴力、婚內強姦、虐待兒童……一系列嘅家庭問題日日都發生,只係你同我唔知啫,因為「家醜不得外傳」嘛。所以,「選擇」嘅自由真係好重要,特別係向婚姻嘅關係上面。
所以話……雖然鐵達時呢個廣告向上海拍、用大陸演員、講普通話,同埋用錯左「愛是永恆」呢首歌都唔係問題,但最大嘅問題就係「呃細路」︰邊有人會戴鐵達時,踩單車架!如果引用馬諾嘅名句︰「我寧願坐在寶馬車裡哭,也不願坐在自行車後面笑」嚟講,呢個廣告簡直係欺詐。