以下文字引喻失當，類比不倫，斷章取義，胡亂搬弄學術名詞，涉及不雅及色情用語，不喜者勿看，道德撚勿看。

我係標題黨，雨傘革命暫告段落，睇翻轉頭，翻看之前啲舊新聞，關於抗爭，有人話過「用武力就失分」。我無去睇呢句說話係咩人講，所以到而家，都唔知講嘅人係邊個。

不過，我睇到呢句說話之後，就一直有啲緊張，革命雖然暫告段落，但係考試長考長有，而我自細就係香港教育制度推殘之下長大，知道求學絕對係求分數，估唔到今時今日，連抗爭都係要求分數，好似考試咁，千奇唔好失分。考試分數影響人嘅一生，為咗唔好失分，都係要認真啲捉吓題目。

如果「用武力就失分」，咁，台灣太陽花運動砸破門衝入立法機關，會唔會係零分；五四運動火燒趙家樓，打官員，係唔係要比十個零分；辛亥革命搞武裝起義，有機會要攞負分。佢哋究竟失咗啲咩分？係形象分，定係清潔分？如果第二時通識科無嗱嗱出條題目，要以「用武力就失分」嚟評價大陽花運動或辛亥革命或香港嘅社運，叫人點答好呢，可唔可以準備定個答案。

通識教育試卷二模擬試題︰

參考以上資料及以你所知，試以「用武力就失分」評價2014年在香港發生的「雨傘XX」，以及建議避免「失分」的方法。（10分）

答案：

關於「雨傘XX」，以「用武力就失分」呢個講法嚟評價呢，其實係可以用佛洛依徳嘅 Freudian slip 嚟曲折咁解釋，佢潛藏嘅意思其實就係「用武力就失身」，因為社運抗爭係一個聖潔處子，用武力強行攻入，可能會令道德光環破損，失去咗聖潔嘅處子之身，無咗感召之力，聖潔被沾污，對渴求聖潔成癖嘅人嚟講，是可忍孰不可忍。

之不過完全排除武力嘅抗爭，用個比喻嚟到講，咁樣抗爭法，究竟似係打緊真軍多啲，定係似打緊飛機多啲？哈維爾講無權力者之權力，講對抗極權，人要「活在真實中」，咁隔空打飛機同埋身打真軍，邊樣真實啲呢？定係同樣咁真實呢？呢個問題太難啦，究竟哈維爾會點諗呀？

但係對聖潔社運好似歇斯底理咁渴求嘅人嚟講，埋身打真軍，點都唔係咁衛生噃，都係無隔空打飛機咁乾淨，清潔衛生係好緊要，如果唔係，清潔香港運動搞咗幾十年，咪功虧一簣。萬一真係要局打，至緊要準備同笠個「和理非非」牌道德安全套，名符其實係「道德撚」，然後扮打係緊要關頭撻Q，咁樣又安全又衛生，道德清潔分，就唔會失分。

答案評分︰零分

老師評語︰

1. 離題，改以書面語作答。

2. 嚴重誤解哈維爾講「活在真實中」與「打飛機」及「打真軍」的關係。

3. 搞亂清潔運動同抗爭運動之概念。

4. 建議棄用劣貨「和理非非」牌道德安全套，市面上有 「持久長期戰OK！戦闘力UP！」安全套出售。

後記︰近日有學生組織話，第二時政改表決嗰陣，不排除可能要搞佔領立法會，唔知又會唔會有「用武力就失分」嘅問題。