熱血時報 | 2018十大笑死朕事件

2018十大笑死朕事件



2018十大笑死朕事件



第十位:八百蚊豬扒飯
旺角食店被揭邀請改圖少女,交友APP釣男人,約食飯谷生意。
如果真係美人計,其實都冇乜所謂,引發全城爭議嘅,係條女點解咁醜?點解D男友嚟到見到貨不對辦,冇即時調頭走?仲要花費$800食飯?
咁都食得落,香港飲食業,又點可能有進步?

第九位:哈里王子網上情緣
2018年可以話係騙案年,電話騙案網上騙案不斷發生,差唔多隔日發生,涉及款項高達四億港元。除左恐嚇涉及大陸洗錢案,最多係網上感情騙案,英國博士又有美國軍官又有,最瘋狂係自稱哈里王子都有⋯⋯如果哈里王子唔結婚,佢可能而家仲搞緊過數⋯⋯

第八位:陳秀慧力拔山河手撕酒塞
今年台慶慶功宴,老闆娘直播顯示武力值,一手扭斷陳年威士忌酒塞
喺全台慶賀嘅歡樂日子,老闆娘都不忘開開心心展示力量,深明管理之道。

第七位:港鐵全線閪冧

港鐵全年基本冇一日唔出事,全線停信號,高鐵站漏水,輕鐵站沉降,紅磡站剪鋼筋,乜野都齊曬。
重點在於,今年年中,762寫出新歌「港鐵全線閪冧」之後,港鐵冇一日好過,可見762歌曲嘅威力有幾大。我地期待七叔再下一城,以新歌「最賤格香港加零一」,隊冧香港01。

第六位:Jobless民族陳浩天

時代雜誌訪問香港民族黨召集人陳浩天,極盡挖苦之能事,指陳浩天「Jobless」,「can't find a real job」,「沒有港獨藍圖」,「聲明黨」,更指他如果不想浪費生命都已經「Too late」。
事件惹來網民熱烈討論,而當中最雀躍最熱烈的,莫過於本台主持阿靳。

第五位:林鄭愛劉華,示愛施政報告
劉德華歌迷向來瘋狂,最狂要數林鄭。話說劉德華為填海計劃配音宣傳,惹來全城討伐,林鄭見偶像被網絡欺凌,心痛不已,居然係發表施政報告時為偶像平反,又不斷強調自己同劉德華心有靈犀,同華仔思想好接近。相信連劉德華自己,都誓估唔到係演藝生涯會遇上有狂迷用施政報告嚟向佢表白。
最意想不到的是,林鄭在施政報告記者會,祝福「劉生12月演唱會演出順利」,結果反成魔咒,劉德華12月28日的演唱會因劉德華嚴重失聲而中途腰斬

第四位:壹周刊賣極賣唔出
壹周刊上年已經宣布賣盤,聲明出售給黃浩,結果足足賣左成年都賣唔出。去到年尾易手前仲要以「壹個時代的終結」做封面,但結果收唔到錢,壹個時代終結唔到,仲要畀黃浩告返轉頭
直至現在,壹周刊轉成網上版,結果從未賣出,也從未結束,只是單純被遺忘。

第三位:山竹風暴鄭松泰柒爆料
世紀風暴山竹襲港,大量樹木被吹斷,多棟大廈有損毀。
當日,鄭松泰議員收到網友SEND相報料,話高鐵西九站被吹爆玻璃,貼相上網。
但結果發現西九站玻璃其實冇爆,鄭松泰唯有出POST道歉。
本來件事冇乜好笑,最好笑係當大家內部討論,到底網友嘅報料孰真孰假?我地一見到網友自稱「我有投票畀你」,我地馬上判定為流料。同時,最熱烈恥笑的事件的,不是別人,主要是熱狗。

第二位:幣少爺派錢變跌錢
幣少爺深水埗被指策劃派錢,宣傳加密貨幣同挖礦機,引起全城熱話,更成為國際新聞,以宣傳角度睇,可謂本少利大。
然而宣傳效果雖大,卻不好,不少買了挖礦機的客戶,見幣少爺被指策劃派錢舉動,害怕對方派曬啲錢冇錢找數,居然紛紛退錢。不過最慘係惹上龍心同龍心女友,龍心自此不斷出動要派錢畀幣少爺,龍心女友又上門要求幣少爺收留。本來想炫富吸錢,結果變成吸膠,吸引一眾網絡癲喪,推上癲峰。

第一位:中國醉漢郭紹傑 烈火醉拳戰東瀛
醉拳郭紹傑,火燒靖國神社,年尾時間,特登出埠做柒事,以性命前途來衝榜,精神可嘉!
另外,身體力行力證「抹黑熱狗,必遭惡運」,也能令這名中國醉漢得以加分。
年度笑死朕之最,當之無愧!

相關節目:
笑死朕第415集:2018年十大笑死朕事件
http://www.passiontimes.hk/prog/5/415


作者
讀者回應
相關文章