網上全民制憲系統 | 熱血劇場 ONLINE | 熱血主持育成計劃 | 熱血文青課金計劃 | 熱血時報昔日節目  
專欄部落 » 個人專欄 » 黃洋達

2012十大笑死朕事件
- 黃洋達 @ 12-29-2012 / 2 years ago
第十位:2012世界無末日
2012月12月21日,傳說有好多人辭左工分左手散盡家財,另有一個未經證實的傳聞,就是部份民主黨員,因為誤信2012世界末日的傳說,所以才會投票給劉慧卿,讓她當選黨主席。

第九位:蝗蟲論
D&G風波、殘體字餐牌事件、北京「孔叫獸」發表「香港人是狗」的言論、雙非孕婦、上水水貨客,一連串中港矛盾事件,令本土意識抬頭,龍獅旗飄揚。
高登集資喺蘋果日報刊出「香港人受夠了」廣告,惹起激烈討論,事件更成國際新聞。
不少言論指這個廣告鼓吹歧視,認為唔應該用「蝗蟲」唻侮辱大陸人,但高登方面則指廣告上面嗰隻其實係「草蜢」,後來大家才知道「蝗蟲」乃「草蜢」變異而成。事件意外地加深了香港人昆蟲學知識。

第八位:八婆會館
立法會選舉結束後,立法會即時變成八婆會館。蔣麗芸、黃碧雲、梁美芬、劉慧卿、葛佩帆、何秀蘭,麥美娟、陳婉嫻,足足有八個八婆,八八六十四,如果佢地八個人一齊映張合照,再將張相返轉佢,就能夠做到「平反六四」嘅意味,大家可以考慮貼上微博,睇下會唔會畀人河蟹。

第七位:連白鴿黨都容不下的政壇奇人:馮煒光
馮煒光都可算係年度僅次於CY嘅年度風雲人物,先係台灣插水扮畀毓民打,將自己手指指港女POST紅面相放上FACEBOOK。跟住仲要應徵做副局長,被白鴿圍攻,迫住退黨。白鴿黨黨內本身已經奇人眾多,有硬骨頭劉慧卿、中文當英文講嘅黃成智、高唔過花糟嘅低海拔何俊仁、連投票制都可㩒錯制嘅黃碧雲……
咁多騎呢怪,白鴿黨都容納到,搞到成個黨好似馬戲團咁都得,但偏偏就係容不下一個馮煒光,可想而知,馮煒光幾咁出眾!

第六位:DBC唔係復播嘅復播
DBC被政治打壓,本屬眾人之事,但大班死都唔肯將群眾運動升級,又籌款又集會又唱歌跳舞歡今宵,搞到生離死別咁,仲要樓南光搞到絕食送院。佢出院無幾耐,DBC就重生了,成個DBC轉做D100網台,樓南光絕食完無耐,就由數碼台主持變做網台主持,繼續「為食鬼返埋唻」……
明明變左網台,但大班死口唔認,明明山雞,夾硬話「鳳凰重生」,話自己係「為全球華人服務嘅電台」。

第五位:亞視良心
王征跳江南STYLE,其實唔算太好笑,但佢係公司開課程,迫演員上堂(唔知課程內容,係咪跟佢學跳舞?),唔上堂就即抄,呢尐良心表現,就真係連死左嘅毛澤東都會心微笑啦!
本來係CCTVB霸權之下,大家都係同情亞視的。王維基要爭取發牌,本來佢嘅假想敵,照計都應該係長年壟斷嘅無記。但亞視一連串反發牌行動,居然可以係乞人憎程度超越無線,令人覺得明明係弱勢嘅亞視,睇起上唻比無線更加霸權,係犯眾憎呢個層面上,亞視總算係首次戰勝了無線!

第四位:歡樂滿江華
劉江華立會敗選,巿民高興到要去佢辦事處門口慶祝,可惜巿民開心唔到一陣,劉江華就復活成為副局長,薪水仲要高過做立法會議員!政府呢個做法,正宗係懲罰選民:「你下屆試下唔選佢丫,我畀個官佢做!」

第三位:689梁振英
梁振英以689票當選特首,成為首個無7用嘅特首,至於點解佢會無7?同佢個僭建一樣,因為「處理左」,所以「唔存在」啦!

第二位:北斗派VS鬧爆文化
港共政權開打輿論戰,將一切反對聲音,貶為「爆鬧文化」,同時褒揚和稀泥文化。
政圈社運界這種和稀泥聲音,可統一稱作「北斗派」,不論面對中港衝突問題、抗爭路線問題、面對一切政治爭拗,皆抱持和稀泥態度,凡事各打五十大板,不問是非。正如北斗之拳的主角,就算對手殺人無數,只要他有一個受核幅射感染的細妹,一樣可以原諒佢。
北斗派2012年間,爆出不少荒謬惹笑言論,包括:雙非也是弱勢社群,要包容;大陸人不守秩序周街疴屎係文化差異,要包容;殘體字也是一種文化,要尊重文化差異;雖然民主黨支持政改係出賣選民,但佢地點都好過民建聯,所以要繼續投票畀佢;泛民唔參與拉布,只係大家做法唔同,大家應該要互相尊重各有各的做法,民主就係包容。
謬論連連,罄竹難書。

第一位:赤祼劉慧卿,嚇怕北京
劉慧卿明明話「祼退」,但結果居然參選民主黨主席,仲要當選。好明顯黨員寧願畀個主席佢做,都唔願見佢「祼」啦,以「祼體」嚇「退」對手,謂之「祼退」!佢仲話北京知佢當選主席好唔高興:「(北京)梗係唔鍾意有個人咁強硬鬧鬼佢啦!」
當然,係人都知佢「天生一副硬骨頭」,邊個講粗口或者講「妾侍」,佢就即刻反面!咁北京尐官梗係唔高興啦,邊個高官無妾侍架!


延伸:
節目版2012十大笑死朕事件:http://www.passiontimes.hk/?view=prog5&ep=102






 

相關文章

我們不是鐵頭功

旺角衝突見聞──警察暴力不能解決政治問題

香港從來都不是一個法治社會

請不要再抹黑分化

對示威者拳如雨下,警察瘋了







    - 熱血編輯部 [熱血新聞]
    - 海意翔 [專欄部落]
    - 熱血編輯部 [熱血新聞]
    - 蘇泳瑗 [專欄部落]
    - 熱血編輯部 [熱血新聞]
    - 熱血編輯部 [熱血新聞]
    - 一個坐在金鐘多天沒幫媽媽做家務的不肖子 [專欄部落]
    - 陳路易 [專欄部落]