熱血時報 | 2018.經典語錄

2018.經典語錄



2018.經典語錄



2018年將盡,又是時候回顧今年的人和事,過去一年有「山竹」襲港、港鐵4線全冧、明日大嶼風波,中美貿易戰又令人對前景悲觀,究竟未來能否如馬時亨話齋「我哋話畀你聽OK就得」,又還是如幣少爺所指「錢係可以從天而降嘅」。

大家對一件大事的印象,可能是由一句說話、一段留言開始,今年最流行的名句,卻非來自大事大非,而是來自一名職安真漢子的格言。2018年,相信是最多人自認窮的一年。

3月
網民:厲害了我的國

一套中共自吹自擂,吹捧中國國家主席習近平的紀錄片《厲害了,我的國》,3月在中國上映,此電影是剪輯之作,母片來自中央電視台的六集紀錄片《輝煌中國》,記錄2012年中共十八大以來,在總書記習近平領導下的「輝煌成就」。然而,之後卻傳出下架。

自始,「厲害了我的國」就不斷在中港台網民的常用反話,每當中國出現奇人異事時,總有網民以「厲害了我的國」,並經常與2016年出現的「中國恐成最後贏家」混雜使用。

4月
佛系追隨者:緣份到了


「緣份到了,自然XXX」的改圖,4月於網上廣泛流傳及變種。「佛系」原指一種有目的地放下的生活態度,但今時今日,卻用作取笑人守株待兔等運到。

我都係佛系。 #佛系

Posted by 怪叔叔の散步道 on Thursday, 29 March 2018


5月26日
馬時亨:我哋話畀你聽OK就得
今年通車的高鐵試車之後一度出現不少問題,但港鐵主席馬時亨於5月26日見記者時,就叫大家相信港鐵管理層,一句「我哋話畀你聽OK就得架喇,你唔使擔心嘅」,震驚不少港人。

然而,港鐵問題沒完沒了,4線全冧、沙中綫風波,又叫人如何投下信心一票?每當港鐵又出事故時,馬時亨這句金句又會被網民無限loop。


6月7日:
職安真漢子:係愛呀?定責任呀?係窮呀!DNGH
今年6月7日,熱帶風暴「艾雲尼」襲港,天文台發出三號強風信號,有職安真漢子拍攝短片,問道︰「年輕人,究竟有咩動力驅使你喺暴雨下工作呀?係愛呀?定責任呀?」面對鏡頭的工人則回應︰「係窮呀!DNGH!」結果這條即興短片在網上瘋傳,這位姓吳的職安真漢子,隨即成為了網絡紅人,亦教打工仔反思工作的意義。


6月21日
托哥:香港人,我哋開心啲好唔好
YouTuber托哥於今年6月上載一條於港鐵拍攝的片段,他在車廂中問道:「香港人,我咃開心啲好唔好」,之後就高歌一曲《世界真細小》,評價好壞參半,但在網絡上引起不少迴響。片段同時卻證實到,很多香港人都不開心,特別是坐港鐵的時候。

香港人開心嗎?

香港人究竟開心嗎? #mtrchallenge Instagram: torres_pit

Posted by 托哥Torres on Wednesday, 20 June 2018

6月
環保人士:走飲管吖,唔該!
食肆無飲管,已經講了不只10年,但總是不了了之,去到今年6月推出「無飲管運動」之後,加上鋼飲管的興起,再一次成為了議題,特別是之後「山竹」襲港,徹底反映人類敵不過大自然,環保份子隨即抬頭,力推無飲管,年尾更有麥當勞及大家樂加入走塑行列。

然而,當大型食肆加入走飲管行列之際,網上卻出現了不少反對聲音,認為運動只談飲管,而忽略了其他即棄物品,是偽環保行為,更有人聲稱會採取報復式行動,主動領取更多飲管,各走極端。



10月2日
劉德華:你覺得香港仲有冇希望

由全國政協副主席、前特首董建華成立的團結香港基金,率先發表「強化東大嶼都會計劃」研究報告,倡議在香港島和大嶼山之間的中部水域,大規模填海2,200公頃,以容納70至110萬人口。該組織於10月發放最新宣傳片段,硬銷東大嶼填海計劃,更找來「民間特首」劉德華錄旁白,備受批評。

在之後的《施政報告》中,「明日大嶼」正式成為議題,特首更在記者會自稱與劉德華皆成為網絡欺凌目標,她表示敬佩劉德華勇於表達意見,又批評在社交媒體人身攻擊和侮辱劉德華的人,是非常不公道,並預祝華仔12月演唱會成功。結果,劉德華12月28日的演唱會,卻因為他喉嚨痛、聲音啞而要腰斬。

你覺得香港仲有冇希望?

11月5日
任何仁:深度深度,5cm嘅深度、速度速度,一秒兩下嘅速度
香港消防處 Facebook 專頁今日(11月5日)正式啟用,記者會上的神秘嘉賓「任何仁」成為了全城焦點,更有傳他備受打壓。

他一身的造型,有人想起透明人間、時間停止器、柯南、犯澤先生、面堅尼,而「任何仁」與羅蘭合作拍攝的宣傳片,一句「深度深度,5cm嘅深度、速度速度,一秒兩下嘅速度」,洗腦能力極高。

【真· 羅蘭 x 擊活の人心 - 靈異篇】 收嘢喇!外賣到喇!

【真· 羅蘭 x 擊活の人心 - 靈異篇】 收嘢喇!外賣到喇! 農曆七月,送個外賣又話有靈體,又話要護身符,有冇咁邪先? 點知真係出事,好彩有羅蘭姐專業教路,連「新手」任何仁都可以輕易駕御,用 CPR 同 AED 救翻外賣仔一命。 任何仁?任何人皆可救人?原來救人就係咁簡單! 【CPR AED 口訣歌詞】 左手 右手 直手 擺喺心口 深度 深度 5cm 嘅深度 速度 速度 1 秒 2 下嘅速度 唔好俾佢停呀... 左手 右手 直手 擺喺心口 深度 深度 5cm 嘅深度 速度 速度 1 秒 2 下嘅速度 開機 貼 Pad 快快 AED 電擊 舉高雙手 擊活人心係時候 #擊活の人心 #任何人 #心臟除顫器 #心肺復甦法 #救心先鋒 #擊活人心 #香港消防處 #HKFSD #CPR #AED

Posted by 香港消防處 Hong Kong Fire Services Department on Saturday, 3 November 2018

11月11日
龍心:做乜X我老頂周浩鼎
港珠澳大橋通車之後,東涌連續多個周末迫爆,地區組織「東涌人」11月11日於當地發起行動,舉報黑工導遊,從而打擊「不明來歷旅行團」。期間網絡紅人「龍心」突然出現,高呼「你尋日做乜X我老頂周浩鼎」,批評對方搞事。

於《城市論壇》成名的龍心,今年去到人生「癲瘋」,例如一度自稱希望出戰九龍西補選,年尾與「幣少爺」的互動,更叫花生友吃不消。



12月15日
幣少爺:錢係可以從天而降嘅
12月15日下午,有人在深水埗一幢大廈的天台,掟下大量100元現鈔,路面的市民爭相執錢,情況混亂。 在事發當刻,Facebook專頁「幣少爺-新世代礦業」曾經開Live,公布完投資交易比賽活動之後,向現場的群眾問道:「唔知咁多位有冇人相信,錢係可以從天而降嘅。」現場一片喝采聲之後,真的有錢從天台撒下。

網名「幣少爺」的黃鉦傑,被指涉策劃「天降鈔票」事件,被警方拘捕,他之後在電台節目中表示,當日是神秘人在天台派錢,自己只是凑巧經過附近喎。


12月15號係FCC既大日子 因為意味着fcc交易比賽公佈 頭獎得主有機會贏取2000萬港幣現金 一至50名都會有獎 獎品總值超過4000萬 簡單可能玩$100蚊都有機會贏取頭獎 今次係fcc係全港第一條公鏈亦係 我哋香港人可以賺盡中國市場錢的唯一機會 想賺首期買樓 過更好既生活一定要買fcc 因為 簡直係中國人送錢比香港人洗 賺到錢對的感謝返我哋偉大嘅祖國 今日既主題係劫富濟貧 我自細就有一個夢想 希望做一個正義使者 超級英雄 可能好多人會因為年紀逐漸長大 被工作不停磨滅 所以失去左這個心 我亦非常能夠體會 因為我都曾經辛苦過 只係幣圈世界太過夢幻 短短幾年時間就可以令到我重拾童真 唔知大家有冇想像過會有一日錢可以從天而降 我幣少爺 今日企係度話俾你地知 只要你有夢想 就所有事情都係有機會發生 錢就係從天而降。

Posted by 幣少爺-新世代礦業 on Friday, 14 December 2018
大家還有沒有心水的金句,不妨在下低留個言。


作者
讀者回應
相關文章