港台周一（3月2日）晚上播出的《鏗鏘集》，以「誰的歷史任務」為題，探討亞視續牌風波，並邀請前亞視藝員杜汶澤，為此事作出不少精彩評論。 

2013年曾在公開場合講過「前世做錯事，今世做亞視」的杜汶澤，在節目中表示「我好反對用『霸住個牌』呢種講法，係好多市民嘅一種誤會」，他認為「佢（亞視）冇霸住，係你(政府)畀佢吖嘛！」認為現時續牌風波，問題一直出在政府身上。 

對於亞視因經營困難，在今年1月舉行籌款節目，杜汶澤為此表示「一直都覺得好奇怪」，認為「點解個老細爭個伙記錢，要個伙記去擺街邊檔咁樣，做個馬騮騒嚟籌錢？係咩嘅邏輯嚟呢？點解唔係你自己個老細走出去跳艷舞籌錢呢？」 

不過杜汶澤補充：「亞視再係咁樣，又解決咗個欠薪，再續牌畀佢，係唔係好奇怪呢？一啲都唔奇怪，「This is Hong Kong」。如果你覺得一個奇怪嘅社會奇怪，你就好奇怪。」藉此表示香港已變得非常扭曲，習非成是。 

對於亞視一直聲稱有「白武士」出現，最後可以渡過難關，杜汶澤不以為然，表示「點解佢(亞視)都仲可以營運到落去？都仲有幾個人爭住話要？『白武士』好似係嚟拯救你咁，做生意嘅嘢，點會有人真係拯救你呢？如果你蝕到入肉嘅，你老竇都未必救你啦！」 

杜汶澤評論王征時，認為「唔出糧嗰個王征，佢話佢嘅歷史任務已經完成，我聽完有啲唔係好理解，因為嗰個係一個投資嚟架，點會突然變咗一個任務呢？」 

亞視去年十一月開始欠薪，嚴重違反續牌條件，而去年九月通訊事務管理局，亦初步建議不予亞視續牌，但政府卻未有按照以往慣例，於去年十一月，亞視牌照到期前一年，就是否容許亞視續牌作出定案。而不少人早就認為亞視不應續牌，杜汶澤亦在去年3月出席網台《MyRadio》作嘉賓，論及亞視該何去何從時，曾明言「我覺得執撚咗佢啦 !」

（圖片來源：鏗鏘集截圖）