今日立法會《2014年僱傭（修訂）條例草案》委員會召開公聽會，了解公眾對「男士三日有薪侍產假」的意見，代表飲食界的自由黨立法會議員張宇人反應最激，認為勞資雙方會在請假問題上出現爭拗，並要求政府為侍產假「找數」。

張宇人擔心男士侍產假實施之後，會有員工偽造證明，而僱主就不知道如何求證：「出世紙有我張宇人個名，我都可以攞侍產假，連有冇夫妻關係，有幾多女性同我生仔，全部都冇規限。」他更高呼措施對僱主不公平：「政府咁慷慨，你咁鬼死多錢，不如由你找數丫啲侍產假！」

此外，張宇人亦擔心變性人會冒充為嬰兒的父親，騙取侍產假：「我哋依家審議緊嗰條條例（婚姻條例修改草案），有朝一日會過，兩個女士，一個女士大咗肚，生咗，不過我轉咗性變咗男人，我都有侍產假喎，其實未必係我經手，但係我改咗係男人，又多幾日侍產假，以後凡親有女士生仔，又係寫我個名，雖然明知我係變性人，我係W小姐，咁我又多幾日假喇喎。」

政府代表回覆張宇人的查詢，指《婚姻條例（修改）草案》通過之後，變性人婚姻將獲得承認，並合法地把名字寫在出世紙父親的一欄，這樣便符合領取侍產假。

（立法會會議截圖）