這幾天忙著替義工義賣，所以疏於寫文，望讀者見諒！

呢幾次會為大家介紹幾位盡責動物義工，希望日後大家如有物資捐贈或者有朋友想領養，也可以考慮一下她們！

打響頭炮是鬼妹仔奶娘Patricia，全職動物保姆，最擅長湊貓B狗B，擁有無限愛心和耐性。除了愛護自己暫託的毛孩，更會餵流浪毛孩。她為人極之低調，一心為動物，極受fans 愛戴！

Patricia 並不會見死不救，更曾勇救曾患腦膜炎的貓貓卡莉闖過鬼門關，今日的小卡莉剛剛已打完三支預防針，搖身一變成為勁揪小卡莉！小卡莉正等待好心人暫託，希望有心人不介意卡莉過往病歷，領養卡莉。讓Patricia 可以有多一個暫託位幫助更多毛孩，所以，你領養卡莉的決定不單止可給卡莉温暖，更能讓更多的流浪毛孩受惠，希望大家可以好好考慮！

當小卡莉變身成勁揪小卡莉後，Patricia 亦沒有停下來，幫忙湊住8隻身世坎坷的狗B。這8隻狗B 體弱多病，更有些狗bb染上狗瘟，情況一度危急。幸得奶娘悉心照顧，再加上各類的醫治方法，狗B們暫時幸得保命。所以話，唔係一定要PAVC 先醫好急病架！只要你搵到對的獸醫，元朗獸醫也一樣可以醫到奇難雜症！狗B們於短短兩個星期已經用了6000元醫藥費，不過奶媽認為狗B的生命比錢更重要，所以就算自己要每天捱杯麵都一樣毫無怨言。這幾天狗B們的身體況狀漸趨穩定，一個月後狗B就可以適合領養了。

圖一：小卡莉小時候食藥仲多過食奶，奶媽心痛死！

圖二：看到小卡莉睡得香甜，便是奶媽最好的報酬！

圖三：小卡莉已完成三支預防針，連獸醫助護都讚佢叻叻！

圖四：小卡莉咁抽得，邊個領養左佢，都一樣可以咁抽得架！

圖五：因狗BB身體太弱，所以要一起集體聞氣！

圖六：多得捐贈者送給奶媽的多把勁揪風扇，令狗BB房可以空氣流通，有新鮮空氣放送。

圖七：你見過咁多個奶媽，有無見過奶媽會同狗BB扮靚架！呢位係Harmony 妹妹。

圖八：呢隻狗BB係世界仔來架，一抱上手就笑，一放低就喊！ 

圖九：經過醫療人員及奶媽的悉心照顧，奶B們都健康地成長。

圖十：你話我地係咪好可愛，一個月後就可以搵爸爸媽媽啦！

圖十一：呢個係奶媽全名，若有意領養可pm，非誠勿擾！