10月18晚上近12點，疑似防線外有人搞事，同時警方突然衝擊防線。

親眼見證，亞皆老街防線突然有衝突，差人衝入鐵馬開無雙技，不停向前揮舞警棍，佢地用錐形陣，事發太突然，前線頂咗一陣，但頂唔住快速退後，好快就退到我守緊嘅物資位置，出現第一個俾打爆頭既學生……好快俾同伴抬左去後面急救站。

見勢唔對路，我轉頭問物資站個女仔守唔守，佢話守唔到，物資唔緊要，走咗先。

佢一答完我再望番轉頭，已經見到十幾個防暴裝既警察係我前面……啲人退得好急，開始出現人踩人，有人不停舉手大叫：「唔好再打啦，我地退緊啦，有女仔架！！」

不過，十幾個防暴警都係唔停咁不斷衝前打人，我見到有女學生俾棍打中背脊，隔離個女仔又仆低咗，好在及時有人拖佢向後面走，但我就走唔切隻腳俾班死差佬打中兩棍之後腳軟，勉強退得番去後面。

衝突咗一段時間，一班前線一齊推番個戰線出去，但物資站已經移平……

仆街，從第一身視點睇，班差佬真係癲的~~~！！！！！！！！！！！！！！！

______________________________________

旺角救護站報告 (轉自926 平民在政總現場)

接收共11 個傷者，10個男傷者，1個女傷者。

5個爆頭，2個手腳骨折，其中一個男傷者頭有三個傷囗出血，另一個女傷者爆頭及手指骨折，全塊面有瘀傷及類似騰條印。

（作者為本港知名漫畫家，自10月3日已留守旺角至今。）