早前在區選結束後，提供物流服務的「CALL4VAN客貨車平台」特別因應立法會議員梁美芬在黃埔西選區成功連任，在其專頁提出因該區區民視力有問題，以及區內鼠患問題持續，故要進入該區之訂單，加收$20安全行車及消毒清潔費，成功抽水，得到不少網民支持。 

而昨晚自由黨名譽主席田北俊在其Facebook 專頁開PO抽TSA水，但因他未有在早前立法會的取消TSA議案中投票，結果反被被網民鬧爆，CALL4VAN於今日（12月1日）下午，於其Facebook 專頁再出PO抽田少水，將「田少踩單車」相打格後，加上「你都想有會唔開有票唔投走去踩單車」字句，叫網民星期日約埋朋友BOOK車去一齊輕鬆下。 

CALL4VAN在留言中更建議一些踩單車的好去處，如西九海濱長廊、將軍澳南海濱單車徑和蒲崗村道公園高架單車徑。 

對於CALL4VAN之「抽上抽」，網民紛紛留言讚好，有網民更在留言中指責田少，「想投既人就無得投，有得投既人就唔去投，唔想做就唔好霸住個位，讓位比有心做既人啦。」，「最頂唔順佢重好意思抽水，真係厚顏到極點。」

（圖片來源：CALL4VAN Facebook 專頁截圖）