政府機構近年跟潮流，推出社交媒體及吉祥物大搞公關，不少都大獲好評，例如消防處的「任何仁」及環保署的「大嘥鬼」等，水務署亦有一隻吉祥物叫「滴惜仔」。過往「滴惜仔」一直都無人認識，到今次因為玩「推人落山」，終於一炮而紅。

網上一直流傳一幅動畫《飄零燕》的截圖（下圖），推輪椅失手墮山的一幕經常被惡搞，今次就到「滴惜仔」專頁惡搞此幅經典cap圖。話說「滴惜仔」昨日（12月12日）出圖宣傳慳水，指「天氣冷沖個熱水浴，驅走寒意係無問題嘅，不過沖得太耐，唔止嘥水，仲有機會過份沖走皮膚嘅油脂變咗週身痕，你話幾咁唔好呢」。圖中坐輪椅的「暗黑滴惜仔」指「沖熱水涼沖咗一粒鐘！」，就被嬲嬲的「滴惜仔」推落山。



有網民留言指該宣傳圖「教壞細路~ 推人去死！」及「意識不良」，但同時亦吸引不少網民留言，成功引起注意。

（圖片來源：滴惜仔專頁）