港超球隊東方龍獅表示，早前年滿18歲的小將梁𧙗維，獲葡萄牙甲組球隊科瓦彼達迪開出職業球員合約，正式登陸歐洲職業球壇。 

梁𧙗維為首位透過東方龍獅「Project E」拓展計劃赴葡萄牙學法嘅學員。經過一年幾嘅訓練，他已經準備好迎接新挑戰：「嚟咗年半終於有機會踢職業足球，希望晌呢度踢得愈耐愈好，甚至喺未來挑戰更高級別賽事。葡萄牙同香港足球最大分別，唔係球員身型差距，而係基本功夠唔夠紮實，自己傳失波嘅情況晌呢度甚少出現。我會付出百分百努力操練同學習，將來可以將寶貴外流經驗回饋東方甚至香港球壇。」 

預計司職後衛的梁𧙗維初期會先在U19聯賽披甲，若果表現理想，未來更有機會晌一隊亮相。 

2019年2月，另一名東方龍獅球員茹子楠亦曾加盟科瓦彼達迪，但之後回港發展。 

科瓦彼達迪現時於葡甲得3勝2和12負，18支球隊中排尾二。

（圖片來源：東方龍獅fb）