尖沙嘴 1881 Heritage 的英皇鐘錶珠寶店，昨日下午就有一條價值高達3,600萬元的鑽石頸鏈被偷，懷疑出手的竟然是一名約12至14歲的大陸女童，現時警方正通緝4名疑犯，暫時仍未有人被捕。對於今次事件，保安局局長黎棟國今日（1月24日）指大陸遊客在港犯案數字相對偏低。

黎棟國表示：「內地嘅訪客喺香港涉嫌違法嗰個數字，長期以嚟，如果同其他來自世界各國各地嘅旅客嗰個數字相比，都係相對偏低好多，當然尋日係有一件嘅盜竊案出現咗啦，警方亦都非常之重視，咁佢哋正在係全力去偵查。不過我哋睇罪案率呢，我哋係應該要睇一個長遠嘅趨勢，咁呢個趨勢呢，我哋觀察番過去一段好長嘅時間，嗰個比率都係相當之低。」

對於中國國家副主席李源潮日前指反佔領行動的鬥爭仍未完結，「好戲還在後頭」時，黎棟國表示自己當時並不在場，故此不適宜作出評論。黎棟國強調特區政府對維持社會秩序和治安，都有非常清晰和堅定立場，並會嚴格依照法律維持社會治安，而這立場由始至終都不會有任何改變。

（無綫新聞截圖）