我支持維基唔代表我要包容佢全部劇。

要將《童話戀曲》同《Glee》比較，係咪「太過有比較」？

港視其他劇集，我雖然感覺《警界線》和《不做香港人》有很多犯駁和牽強之處，但她們還算「正正常常」，也輕易地接受到王宗堯和潘燦良，很明顯監製在選角有花過心思。

相反，以為一套「年青人劇」擺明車馬找個年青又不懂演技的人擔正，這不叫寫實。唔係唔支持創新劇種同新演員，但似乎好多人都唔識欣賞呢套劇嘅劇情同女主角嘅演技。

畫虎不成反類犬

就算我不是《Glee》的粉絲，不是集集追，我都可以輕易投入到劇情裡去，氣氛掌握固然重要，節奏明快也左右觀眾立即投入劇中世界；反之《童話戀曲》劇情又長又悶，單是第一集為了顯露「豪門的氣派」，連續十幾分鐘不是影車就是影別墅，劇情一直停滯不作推進；又如在劇情發展中段的某集，一場女主角爆喊的戲，女角戲屎不在話下，再者維港夜景確實很美，但放到此劇鏡頭運用又近又遠根本是在拖泥帶水揼波鐘！我很懷疑，TVB留下來的「飛紙仔」壞習慣在本劇得以沿用。

這絕不是我單單一個人的個人觀點，點解大家就係接受唔到呢套「青春歌舞劇」？只因太離地才會仆直，就係咁簡單，唔需要講到香港人只睇大婆台都唔睇誠意新派製作冇得救又呢又路咁！

又話說，本人錯過了《我阿媽係黑玫瑰》第一集，問題來了，如果個個好似我咁因為一套爛劇而錯過左之後播嘅劇，幾咁可惜！其實只播一套劇只靠一套劇食糊確實太危險，果套劇有乜差池就拖垮成個台。

「一套累全家」節目編排太冒險。

唔好為你所崇拜嘅台搵失敗藉口！

當初HKTV開台，以狠批TVB劇膠、強調香港製作落伍為Soundbyte，當初佢哋咁樣做Noise……俾人感覺「好鬼亞視」，同樣係「一朝得志牙斬斬」。到突然有套劇唔收得，就會有人出來放聲叫大家支持乜乜乜，「其實HKTV好唔話得」云云。其實觀眾期望大失望必然大，觀眾唔睇你係市場定律，你都冇得葡萄，都冇得話唔睇香港電視就「香港死得」。

也有一些製作人，收視好會意氣風發，收視差就道貌岸然故作不在乎酸酸咁款，老老豆豆，有邊個唔會緊張自己作品收視？咁唔Care你就去拍Cult片唔好撈電視台啦！以為自己只係「曲高和寡」？Sorry！其實有冇諗過係自己根本冇果個Level，只係高不成低不就？

希望啲創作人唔好咁離地，唔係觀眾唔識貨，別人唔識欣賞自己，你係咪應該要反省下？（除非你係李逸朗個Level先嚟講I don’t care。）

重申，我唔係話港視嘅製作人唔得，但香港好多電視製作人（邊個台都有）根本離晒地但又當咗自己好大支野咁。

電視左膠窒礙行業進步

「佢受政府打壓」、「佢有誠意」、「佢會打倒巨人，畀啲支持佢」……都痴痴地線！我只係一個觀眾，你同我講咁多離題嘅嘢做乜？

我知左膠無處不在，點知原來睇電視都有左膠，又話忍夠膠劇，但又不容他人批評港視劇，甚至搬埋啲「你唔鍾意睇可以唔睇」之類嘅舊對白出嚟護航，其實都幾好笑。

咁即係同TVB啲死忠一撚樣，同ATV啞周會偽揪譁一伙人一樣不思長進，但電視左膠們又會自相矛盾叫你支持，「人哋需要時間乜乜乜」，你哋到底想點？

唔好話我督爆你哋班盲粉，你係都要盲撐，其實你只係想觀眾「明明套劇唔啱自己睇都開住佢個台」，即係製造假嘅收視，咁搞，HKTV條路咪一樣咁TVB！

有一班咁戇鳩又咁政治敏感嘅粉絲！同「我們中國」簡直有得揮！

有一套戲唔收得，一班盲粉電視左膠就仆倒出嚟「講好說話」，傾唔埋欄你係要公允評論，其「戰鬥模式」就會即時「啟動」，話你電視奴隸唔識接受新鮮事，又呢樣又嗰樣咁。連一套劇的批評都容不下，講到尾你哋咪又係霸權主義，觀眾只能夠頌讚香港電視！

香港電視係間上市公司，佢做任何一個動作包括節目Planning都係要同股東交代，冇觀眾就要反省，股票係唔會日日升，但唔反省唔改進，你話收視股價會唔會日日跌！

唔好話你哋支持緊HKTV，其實你哋喺度倒緊佢哋米！真正支持佢嘅，應該講真話俾佢知咩唔得，而唔係要佢蒙在鼓裡！維基唔係開善堂，佢哋個台都唔係為啲柒L懵懵嘅粉絲服務，一味自我感覺良好，完全冇風險危機意識，以為支持緊佢，其實你哋嘅盲撐根本係累街坊！有你呢啲劣質粉絲係咁打飛機自瀆自High，係唔會為個台帶來任何益處！

仲有，你哋成日將政治拉埋HKTV度，HKTV真係多得你哋唔少！至少，在維基的計算下，我理解他為何一直不反對但又不支持來自網上的民粹，佢仲要申請個牌架！

又另外，點解《我阿媽係黑玫瑰》出字幕要鳴謝「田生集團」？

代表咩？代表佢冇你地咁取態鮮明囉！