農曆新年假期開始之後，一如以往，旺角近朗豪坊一帶都有出現一年一度的新春夜市，雖然秩序良好，但衛生問題再一次受到關注。

今年朗豪夜市平安營業，有網民就提出是兩年前的魚蛋革命的功勞，然而，網上亦有大批市民提出食客忽略了衛生問題。夜市過後，不斷有市民上載圖片，見到砵蘭街一帶遺下大量垃圾，更有人出帖批評「香港人，有幾撚高尚啊？」。

在香港突發事故報料區，有網民就上載夜市附近的垃圾山，指「附近嘅垃圾桶一定唔會夠應付咁大量嘅垃圾，你要有夜市，你都盡返啲責任！垃圾桶唔夠，唔代表你可以亂dum，其實你可以拎住啲垃圾一陣」。

該帖一出，少不免出現港中矛盾問題，有網民預言「跟據某種高尚香港人邏輯，一定係新香港人做嘅」，但一如所料有人留言稱「大陸人做」，亦有人提出是「90%香港人」。

亦有網民分析，熟食小販由以往用竹籤「篤魚蛋」到近年改用發泡膠兜，盛載炒粉麵腸粉等食器由紙包轉用發泡膠盒，都令垃圾體積以倍數增加，垃圾桶才比以往更快爆滿。

（香港突發事故報料區截圖）