熱血時報 | 三姑六婆計算機App 教你點樣稱呼親戚

三姑六婆計算機App 教你點樣稱呼親戚



三姑六婆計算機App 教你點樣稱呼親戚


唔知大家新正頭去拜年有冇遇著一啲遠房或者一年先見一次嘅親戚,熟口熟面但又唔知點稱呼?有人喺Android平台設計咗「三姑六婆──親戚稱呼計算機」App,有咗佢,就連平時坐小巴唔敢嗌落車嘅你,脫胎換骨連姨媽姑姐嘅姨媽姑姐都識叫喇(好似係)。

其實Android同埋iOS都有唔少親戚稱謂查詢App,不過「三姑六婆」App就使用計數機介面,用家只需要好似平日篤計數機咁樣輸入親戚關係,就可以快速查詢稱謂。親戚稱呼仲大部份以粵語稱謂為主,適合香港用家。

App仍然不斷更新,錯漏或者查唔到就梗會有,例如「妻子的姐姐的女兒」都已經考起佢。不過App都戴定頭盔寫明「以上資料並非精密科學,只作參考之用」,相信往後版本修正後會更準。

雖然本文見街已經係年初十,拜年都應該七七八八,不過一App傍身總好過「App到用時方恨冇」。

作者
讀者回應