網上流傳的車cam片段，不時都令到網民大開眼界，今次的一條片段，就記錄了一名的士司機，被屈入錯線轉彎。

有網民今日（4月22日）上載一條的士車cam片段，片段拍攝時間為4月20日早上10時許，地點為佐敦加士居道及彌敦道交界。

片段經「倒敘法」剪接，一開始就聽到相信是一名交通警員質問的士司機，指「如果頭先係影響到其他車輛嘅，我唔係告你呢樣，係記分架喇，仲要上法庭、不小心駕駛，如果你覺得自己永遠都啱嘅，唔緊要，你有錄像嘅，睇番錄像」，之後又稱「如果我真係即時睇錯，我可以對唔住添」、「我都想唔告你，但係一定要證明到」。

究竟發生甚麼事，究竟證不證明到？再去片！

片段由事發之前再看起，的士一開初由志和街左轉入加士居道，然後靠向右手邊第二條線，晾過一輛警方電單車，燈位過後右轉彌敦道，完全未見違反何何交通規則。

難怪的士司機被質問「你第幾條線轉呀，你呢條線係咪直去呀」時，顯得不知所措。網民亦留言指，事件顯得「車cam的重要性！」。