1993年，黃家駒意外走咗，留低首《海闊天空》，成為絶唱。十幾年之後，逢親社運集會散水前嘅萬人大唱K，《海》成為必然之選。左膠睇中首歌講追求夢想，就算有挫折咩，唔緊要，仲有其他志同道合喺身邊，約埋下次再嚟過。 

出面啲人都已經 Hi 班左膠 Auntie Hi到腳仔軟，點知有條茂里趷個頭出嚟，Hi 番香港人喺最近嘅世界盃外圍賽噓《義勇軍進行曲》，話噓國歌會令自己好樣衰，並提議改用《海》嚟代替《義》。 

首先要問，如果你認同《義》係國歌嘅，咁點解改唱《海》就唔樣衰？ 

其次，用番你班左膠口吻，「你有問過家駒咩？佢唔係咁諗！」 

睇番家駒生前嘅訪問，《海》記載咗Beyond成立十年嘅心路歷程，同社會運動都已經唔喇更，你班左膠仲諗著攞嚟做香港國歌？Beyond 大方咋，如果要收番你哋版權費，你哋預咗嘔番個六四記念館出嚟都得喇！ 

如果真係要搵首歌代表香港，要你班左膠唱《城邦會戰勝歸來》，仲慘過叫你去死嘎喇，咁點解唔揀歌神阿Sam隻《天才白痴錢錢錢》啫？至少香港人真係咁諗，唔理你係黃絲藍絲、左膠定法西斯，都唔會反對「搵錢」就係香港人嘅核心價值。畀埋歌詞過你，費事你唔識唱： 

成日要錢多，（錢錢錢錢）

乾水乜都渦，借錢最折墮，爬低嗌契哥 

貧賤拗頸多，（No Money, No Talk）

生仔都諗過，阿女嗌肚餓，屋租都要拖 

有乜嘢會令你心花怒放，錢~~~~

諗得多卒之梗癲癲喪喪，

有左佢就算打跛雙腳都無相干，冇得擋，冇得擋 

有錢確係會少咁尐罪案

駛乜衰到通街偷、搶、騙、當

冇咁佢就算包公都由你嗌冤枉，懶得講，懶得講

（圖片來源：Youtube截圖）