熱血時報 | 會展突封場參展商蝕入肉 寵物店:大會話係天災喎

會展突封場參展商蝕入肉 寵物店:大會話係天災喎



會展突封場參展商蝕入肉 寵物店:大會話係天災喎


明日為七一,政府基於安全及保安理由,昨日突然要求會展於今日(6月30日)關閉場地,原訂於6月28至30日,一連三日於會展舉行的「優質寵物用品展2019」及「In-Home Expo 香港家居博覽」,被迫提早腰斬,損失周日高峰期的參展商都怨聲載道。

「Biopet - HK  寵然有限公司」於官方專頁接連出Post,炮轟今次決定,指參展商為了籌備寵物展,做了不少準備,現在時間心血完全付諸流水,批評政府「絕對唔使理你哋市民感受」,又指由於封路,根本就不能撤出商品,要到7月2日再返轉頭收拾殘局。

該公司又留言,指「大會話係天災喎,政府唔陪我哋都冇得賠」、「想攞返展場費唔使旨意冇得退」,有網民就建議提出民事索償。

該公司又寄語指「我哋輸咗個寵物展,輸咗展場費,時間心血,但係我哋唔可以輸埋香港,大家團結撐住香港才會有未來,彩虹一定出來的,香港人加油啊」。




作者
讀者回應
相關文章