熱血時報 | 被鄭松泰質問沙中綫醜聞 劉炳章發爛渣:你哋完全冇資格講

被鄭松泰質問沙中綫醜聞 劉炳章發爛渣:你哋完全冇資格講



被鄭松泰質問沙中綫醜聞 劉炳章發爛渣:你哋完全冇資格講



身兼港鐵非執行董事及測量師的劉炳章,今日(7月1日)出席港台節目《城市論壇》時,被熱血公民主席鄭松泰質問有關沙中綫事宜,劉反指鄭「挑動矛盾」,更聲大大稱「講港鐵我最有資格講,你哋完全冇資格講」。

劉炳章指,特首已經委任特立調查委員會,並稱到時任何人犯上刑事罪行,都要承擔責任。

鄭松泰就指2015年鉛水事件的調查報告中,提到時任水務署署長林天星,就被調查委員會批評「專業不足,固執己見」,但結果林天星卻毋須問責,今日更獲頒銀紫荊星章。

民建聯副主席陳勇操流利的鄉音反駁,指一切最緊要是依法辦事,並重提鄭松泰倒轉國旗事件,反問「點解你唔使負責任」,鄭松泰隨即回應「我罰咗錢啦,你返嚟香港未呀,你訓醒未呀,你係咪有啲中咗暑呀,飲啖水啦。」陳又再反問「罰左錢就得架?」

(城市論壇截圖)


作者
讀者回應
相關文章