熱血時報 | 香港眾神,茅山高校

香港眾神,茅山高校



香港眾神,茅山高校


新一期《茅山高校》,寫得特別肉緊,因為最著緊的一個人物出場了:車公!

某夜,牛佬與阿國到studio錄音,看到這期《茅山高校》封面上的書名,都嘩左一聲:「車公?係唔係呀?」

這的確是奇怪的,香港流行創作,鮮有把本地信仰神祇,消化融入流行作品之中,這其實是怪現象。
不是說香港流行作品不會參考神話傳說,而係大家都覺得,外邦嘅神話傳說就有形,本地嘅神話傳說就老土。
香港漫畫會畫咩神仙?會畫日本漫畫出過嘅神仙,所以港漫會有撒旦、會有帝釋天、會有阿修羅、居然冇黃大仙。
有時也會吸收華夏經典神話故事,但都係出口轉內銷嘅,即係要等日本玩通玩透嘅西遊記、封神榜,香港先敢跟。
好怪~~

書院派讀劇本課,一開學實係讀神話呀、英雄傳說呀,因為神話是劇本的根本,冇橋時就去抄神話啊,歐美日各地都一直奉行這法則,北歐雷神畀美國偷左去橫掃全球。
各地神話傳說都係劇本寶庫,迪士尼巡迴全球搾取。

唯有香港創作人咁怪,人地當寶我地當草,本地傳說鮮有轉化成流行創作,黃大仙N年前拍過一次劇,效果不大就冇人再試,其實好浪費。

車公咁靈,每年新年都成為熱門話題,居然從未被流行創作吸收,香港創作人真係怪得刁鑽。

香港其實好多鋒迴路轉又奇情嘅神話傳奇,例如大家住緊嘅九龍,其實真係講緊九條龍,係遺禍人間嘅九條惡龍,即係八歧大蛇D friend,大家而家覺得好有精神嘅獅子山,其實就係天庭派嚟鎮壓九龍嘅神獸,有一條畀佢壓住係山下(估計獅隧通車嗰陣放返出嚟),另外八條就縮左去新界,變左八仙嶺。

其實香港或嶺南,好多神話傳說,都是未被發掘的優秀流行故事素材,例如媽祖、福德、三山國王,等等等等~

《茅山高校》中的獅子山可沒有傳說中那麼溫馴,不過總算已被黃大仙收服了,小說把黃大仙「叱石成羊」的能力無限放大了,因為大仙太強,不能經常出場啊。但關於他與獅子山的恩怨糾纏的故事,也設想了很多,希望之後有機會寫到。
車公今期也出場了,未來還有很多表現機會,關鍵人物之一,所以今期寫得份外賣力!(雖然有不少篇幅被阿瞞佔據了,不愧一代霸主)

如果要替《茅山高校》這套小說定個別名,大概會叫「香港眾神」吧!
人棄我取,大家覺得「老土」的本地傳說,《茅山高校》會盡情吸收,除了黃大仙、車公、獅子山、九龍,接著當然會有天后、關帝、三山國王、宋王臺等等等等。

希望未來也能看到,更多本地傳說,成為流行作品的養分。
今年書展先讓車公大元帥打響頭炮!今期車公發威,天下皇權,盡在沙田!

《茅山高校:卷五·車公大戰阿瑟王》
7月18日-24日,香港書展。
會展Hall1B-C38,熱血時報展位,傳奇發售。


作者
讀者回應
相關文章