熱血時報 | 敬希支持.港漫轉型

敬希支持.港漫轉型



敬希支持.港漫轉型


呢篇稿,係真心寫畀鍾情同埋支持港漫嘅老友記,過目過目──相信,大家都知道近呢十年,港產連環圖嘅環境係幾咁惡劣!

如果我哋依然唔理,相信喺三年之間,港漫嘅「期刊」必然全面消失,就算尚存一兩本,咁樣……已同「全面消失」相差無幾!

講真,港漫之所以攪成咁,除咗因為既有從業員個個扯乾之外,新一輩亦因為缺乏發表嘅平台,而難以成熟接上!好勒,上一輩(例如牛佬呢D)唔講,但係我自己相信新一輩係仍有可為嘅!佢哋嘅潛力,只係客觀環境所致而未能好好發揮!所以,我哋嘗試開創一D全新經營手法嘅平台,睇吓可唔可以改變呢個「困局」!

如果可以,港漫亦會順理成章轉型,以另一種出版模式繼續娛樂大家!

呢,依家我哋開咗一個「熱血少年漫畫網」,上載一D新人又或者舊人嘅連環圖作品,免費供應讀者欣賞!


(熱血少年漫畫網連載作品,黃洋達原著、君不見編繪的《茅山高校》)


記住,係免費嘅!只要喜歡,鍵入www.passionteens.hk,就即時可以免費欣賞各個畫手嘅作品!之但係,既然「免費」,咁D作家又點樣維持生產作品呢?

唯有依靠大家──認為嗰個作者有為嘅話,「課金」支持!亦即係話,如果嗰位作者得到適當「課金」支持,就會越寫越起勁;相反,寫極都冇人「課金」,咁就注定「收皮」咯!

原本出版嘅經營模式──係畀咗錢然後攞走本書;依家調轉勒……認為好睇,先至「科水」,甚至乎唔科!

咁大家話勒──呢個「熱血少年漫畫網」嘅經營方法,係咪絕對值得大家支持?

當然,講到尾都係嗰句──如果你唔支持港漫,又或者認為「貢」上某D大陸漫畫網任睇嗰D翻版作品都冇問題嘅話,咁就另當別論!

我從頭到尾都係嗰句,呢篇文章係畀嗰D鍾情漫畫同埋支持港漫嘅朋友收睇嘅!

好,如果有興趣,就第一時間鍵入www.passionteens.hk「熱血少年漫畫網」啦!

呢個行動掂唔掂,靠你哋勒!



作者
讀者回應
相關文章