明日（9月28日）就是雨傘一周年，港台節目《城市論壇》今日就率先探討雨傘民主啟蒙的問題。佔領行動後衍生出不少傘後組織，並將會出戰年尾的區議會選舉，個別更被指責會鎅走傳統泛民的票源，民主黨副主席尹兆堅就指，鎅票是互相消耗，最後是「建制派最開心」。

對於被指鎅票，講者之一的青年新政召集人梁頌恒指出，如他們派人參選泛民現任選區，被指鎅票屬情有可原，但事實卻並非如此。他們對揀區有一定準則，例如原屬泛民選區、泛民落敗後繼續落區做工作的選區，都不會派員硬撼，但去到9月，仍然出現撞區情況，他認為選擇權並不在於青年新政或其他傘後團體，似乎選擇權是在於傳統泛民政黨的部署。

尹兆堅就強調青年或傘後組織參選，原則上是不會反對，但對於撞區問題，他就指：「其實而家我哋係有咗300個區係冇人打，好大嘅選擇，咁點解大家咁多個選擇之中，都寧願選一啲係已經有人打緊嘅區呢。」他舉出區議會選舉是單議席單票制，提供多一個選擇的理據，於選區內是不成立，他認為類近票源會互相消耗，互相鎅票，會出現漁人得利，到最終「建制派最開心」，是不想見到的狀態。

至於修改《基本法》的聲音愈趨愈烈，《城市論壇》主持人蘇敬恆提到，現時香港形勢比人弱，如果提出修改《基本法》會否更不利時，尹兆堅回應指：「絕對係啦，我覺得，其實講真，講修改《基本法》，喺回歸前，以至零三七一前，泛民都有零星運動講過，咁但係我覺得，香港社會要最留意就係喺零三七一後嘅幾次釋法，粗暴嘅做法，同埋近年北京政府喺香港延伸嗰種權力控制，我哋覺得對於個形勢，我覺得係好擔心，唔係某一條值唔值得修改，呢個我哋無異議，嗰個可以用道理嚟講，但係好慘烈地，香港社會似乎好難同當權者講道理。」

他又擔心當權者連「佔中」都不理會時，普選都可以走數時，他指「我哋推動修改《基本法》，會唔會係一個好大嘅風險，開咗個米倉，話畀佢聽，入嚟予取予攜呢？我哋擔心。」

（城市論壇截圖）