熱血時報 | 重點不是錢從何來,而係尐錢點使?

重點不是錢從何來,而係尐錢點使?



重點不是錢從何來,而係尐錢點使?



自HKTV集會詐騙捐款事,足足過了一星期,事件居然仍未平息,左膠們仍然奮力死撐。梁文道係蘋果連出三篇文,又搬司徒華,又講七一六四,拉到無雷公咁遠,為左膠爭位搶鏡嘅行為開脫⋯⋯喂!而家問題係你班仆街呃錢呀!左膠為左幫自己開脫,抹黑本土派、指責HKTV集會、轉移視線,無所不用其極,但偏偏唔肯為自己詐騙捐款道歉。

左膠們矢志要成為「職業社會運動員」,做乜都以「保住自己個位」為優先考慮,「排除異己」對佢地唻講,係重要過打倒專權。另外一個問題,就係維持佢地自己嘅組織同運動系統,係重要過運動成功!所以佢地會去,所有群眾聚集嘅地方,去收集捐款,理得佢咩場合,人地屋企畀人拆,又係捐錢畀你,死左人,又係捐款畀你。咩議題都好,嗰尐乜春主義行動、羽翼29,次次都攞個箱出唻收錢。HKTV呃捐款事件,佢地搞出個大頭佛,但其實係尐唔關事嘅行動上面,胡亂收捐款,佢地唔係第一次。

其實社運團體或NGO收集捐款,相當正常合理,但都要睇場合,是否合理。另外,因為香港人鍾意捐錢,香港社運組織,收捐款太容易,於是亂咁洗錢。

好似支聯會咁樣,每年六四都收過百萬捐款,但其實尐錢用左係邊?大家年年捐錢畀政黨、社運團體,但你見佢地做左尐咩出唻?以立法會選舉為例,社記日日都喊窮,你睇九東選戰,老土尐選舉工程做得奇差,睇表面佢好似窮過我好多咁。但結果呢!原來佢用嘅經費係九東最高,高過小弟。但偏偏我地做出唻嘅野,多過佢地好多。

捐款來得太易,於是亂咁洗錢,洗得毫無效率。

我再舉一個更直接比較嘅例子,講獨立媒體運動。用《熱血時報》同《D100》唻做比較。 


我們創辦《熱血時報》,主力從事本土媒體運動,反媒體壟斷,反媒體赤化!我們提供免費網台廣播,出版免費報紙,出版漫畫雜誌,做舞台表演,做書籍出版,做手機遊戲推廣理念,在各個界別上發聲,但我們從不接受捐款。創辦時,我們的資本是20萬,由小弟同幾個股東自掏腰包出資,到十一月,我們營運了一年。 

這一年來,熱血時報的廣播開支、租金開支、網絡開支、每月印刷二萬五千份報紙的開支、還有多個社會行動支威物品運輸等開支,一年總共,用左一百二十多萬左右。我們的收入來源,是報紙訂閱、廣告、熱血產品、舞台演出、出售書籍等等,我們銷售的產品,除了取徥盈利,售出的物品本書,也是傳念宣傳品。一年下來,收入也就大概是百多萬。 

再看D100,他們收廣告費,同時又接收捐款,搞唔清楚佢係商業機構定係NGO。D100營運左10個月,淨係裝修,基礎建設,廣播室等等,足足用左二千萬!租數碼港,付高昂租金,十個月來,根據D100講法,他們基本營運開支,約每個月200萬,共用二千萬。即係D100呢十個月唻,一共用左四千萬!根據D100講法,佢地錢嘅來源係咁,大班係DBC攞返嘅錢4000萬,放返落去開D100,即本金係四千萬。然後廣告收入百多萬,會員費用(即捐款)九百多萬。

即係,D100嘅開台本金,係熱血時報嘅200倍(四千萬vs二十萬)
一年營運開支,D100大約係熱血時報嘅20倍(二千萬vs百多萬)
D100用多熱血時報咁多錢,咁得到嘅效果呢?

D100固定聽眾人數,係30多萬左右(計算到訪網頁的unique ip);熱血時報固定聽眾,係23萬左右(計算到訪網頁的unique ip)用左多200倍投資,多20倍營運開支,就只係多左五六萬聽眾。除此之外,D100只做網絡廣播,但熱血時報,除左網絡廣播,仲有免費報紙月刊、網絡新聞、劇場、漫畫雜誌、手機遊戲、還有社會行勳。我地用D100四十分之一嘅資金,做多佢地咁多野。D100公佈自己財政嘅時候,仲夠膽話自己用錢有效率,如果用咁多錢做咁少野,都叫有效率,呢個世界冇人係冇效率架啦! 

除左效率,D100同熱血時報有咩分別?就係熱血每分錢都係辛苦賺返唻,D100輕輕鬆髮就募集千萬,胡亂揮霍。其實唔係針對D100,好多社運團體、政黨都係咁樣,動不動就募捐,然後毫無效率地花費!再講一次,唔係話社運組織或NGO募集捐款唔啱,但大家捐之前或捐之後,要搞清楚佢地募捐唻做乜,仲要睇下佢地尐錢點用法。

《熱血時報》創立之時,就堅拒捐款,原因係: 

第一,我唔想我尐手足,變成「職業社會運動員」,搞搞下變左用搞運動唻養自己。
第二,我要參與嘅每一個手足,都要小心用錢,唔好因為錢來得容易,就胡亂咁洗。
第三,我地有一個使命,要開拓出網台、網絡媒體嘅營運模型,呢件事一直都冇成功例子,「香港人網」又收捐款又做生意,結果都係蝕足咁多年。D100同樣情況,恃住有捐款支持,胡亂揮霍!我們要打破這個局面,不單為熱血時報,也為整個新媒體生態。

要維持這個做法,我地唔需要好似社運撚咁樣,咩場合都攞個捐款箱出唻,又唔駛好似D100咁叫成千上萬人捐款,小弟開個show就夠我成個台營運小半年,你唻睇又有得你笑餐飽 (順手賣廣告:http://venue.cityline.com/utsvInternet/internet/action/event.do?actionFwd=eventDetail&event=5394) 

點解可以做到,其實,只要正直地,小心用錢,人人都做到。
以後,你地除左要問「錢從何來」,記得要問「尐錢點使」。


作者
讀者回應