唔戴頭盔挨少棍,等於話唔教中學生戴套就唔會扑野

唔戴頭盔挨少棍,等於話唔教中學生戴套就唔會扑野


今日,我朋友 send 咗「左翼21」一篇文嚟,我當堂嚇咗跳,然後嚇到唔識笑。

文章首尾段大意為「就算戴咗頭盔,被警棍擊中頭部,仍有機會腦震盪,如有身體不適,請入院檢查」。對此部分,我沒有異議,亦很贊同被打人士留意及檢查身體。

而令我感到訝異的部分如下:「如果沒有戴(頭盔)時給警棍打到頭破血流,示威者被再狂打機會減少,但有安全帽時,警察連續更大力狂打,示威者可能連自己也不知腦部滲血」。

我想問,是該文作者太過看得起魔警的良心,定還是太看輕魔警虐打市民的決心? 月前有暗角事件,上週有朱經緯警司棍打路人,受害人皆沒有護具,當時亦無衝擊行為或反抗,魔警還不是肆意虐打?雙方無衝突下,魔警也展現出他們殺紅了眼的魔性,更何況於前線示威現場?魔警最大停棍因素,乃示威者倒下,或毫無還擊能力,而絕非戴上頭盔與否,當然,倒下亦有可能再被攻擊,如有名的暗角事件。

如果以普通市民良心,假設魔警「良心發現」, 或他們會「得些好意須回手」停止攻擊,也未免太天真吧? 此時,我回想起曾偉雄的「良心論」:「良心是一件危險的事,你的良心跟我的良心並不相同,甚至有人覺得我沒有良心,是嗎?」

比喻說,我以拳賽作例子,拳手皆以勝利為目標,對方未有損傷,拳手當然會繼續攻擊。假如對方流血不止,更會加重火力追打,希望對方驚恐、棄權、被擊倒或不能作賽。但如果對方攻擋有道,拳手反而不敢肆意攻擊,一不想浪費體力,二不想被對方還擊。 警方追打示威者,有如拳賽拳手一樣,是要贏得賽事──即清場成功。

而此等「唔戴頭盔挨少棍」論調,有如說「教識中學生戴安全套,係咪即係想佢哋有婚前性行為?唔戴或唔識戴,可能會令佢哋唔敢,或減少性行為」。當中相同或不同之處,不詳述,但我仍想粗俗說句「唔考慮後果、衝動、上晒火嘅人,要扑就扑㗎啦,唔會諗有無套係身㗎!」

假如現在有人表示,會使用木棍追打各位看官,直至你成功逃走, 而你護具上唯一選擇,是戴上頭盔與否……

我估有人會要求戴夠兩個添呀!!!

於我看法,工業用頭盔不是最安全,但聊勝於無,有戴一定好過無戴, 最後,希望各示威者小心!

 


讀者回應