有誰會支持《2014年版權條例（修訂）草案》？除了政府及建制派立法會議員之外，當然是一班版權持有人。香港版權大聯盟昨日（12月3日）於 Facebook 專頁出圖，指不讓草案通過，就是變相縱容網上侵權行為。

香港版權大聯盟首先來一個二次創作，以成龍「動L」的經典畫面做插圖，表示：「嗱，我地又要請成龍先生出嚟啦。你睇佢初四咁嘅樣，就知香港電影嘅票房收入過去嗰廿年真係跌得好勢利啦。好可惜今次版權修訂嘅討論，又再次失去焦點，版權條例要修訂、更新，本身係因為新嘅數碼傳輸科技，衍生咗網上侵權行為。」

借港產片票房跌為由支持修例

大聯盟亦提出數據，指香港電影票房收入，由1993年的11億3千萬，跌至2013年的3億5千4百萬。然而，近年港產片票房收入大跌原因眾多，包括質素問題及過多合拍片，令大量觀眾徹底放棄港產片而轉看西片。

不少反對「網絡23條」的網民，對香港版權大聯盟的貼圖表示反感，認為港產片沒落根本與版權問題無關，直言「爛片真係BT都嫌嘥電」，更有網民笑指「如果『網絡廿三條』通過咗之後，你呢幅圖都係犯法㗎」。