港珠澳大橋超支追加逾50億撥款，立法會財委會主席陳健波更揚言會在「陽光下剪布」。政務司司長林鄭月娥今日（1月10日）出席大埔一個公開活動，與一幅畫有海豚的「5D地畫」合照，引來網民批評政府以港珠澳大橋以及機場第三條跑道殺死海豚。

政務司司長林鄭月娥今日在大埔海濱公園主禮一個公開活動，立法會議員陳克勤亦有出席。在致辭時，林鄭月娥更促請立法會不要「拉布」，盡早通過有關「大埔藝術中心」的撥款。在活動結束後，政府新聞網官方 Facebook 專頁上載有關活動的花絮，其中一張照片見到林鄭月娥與另一位女士站在「海豚」的嘴上。

在網上，大批網民看到有關圖片後，令人想起殺死海豚的真兇，其實就是港珠澳大橋等大白象工程：「畫幾多海豚都冇用啦！起港豬噢大橋害死咁多海豚唔夠，仲要整多條肯肯定冇用既三跑！林病你呢個英國人肯肯定係滅絕中華白海豚既兇手！」、「幅畫雙海豚真係栩栩如生！係咪港珠橋填海整死嗰兩條？」更有網民指今次為公關災難：「公關災難.....多謝你，預告比香港人聽，弟時想睇海豚，只可以睇一個錯晒比例的「3D」圖案。仲有，竟然幫海豚點晴，真係虧你諗得出。唔該，做實事啦。」

政府新聞網近日有不少帖都被網民洗版，早前表示會為啟德坊搞街道命名比賽，結果多名網民留言抽水，而提議之中，「銅鑼灣五子喺邊道」就最多人Like，之後政府新聞網又出帖硬銷特區護照，又有人以近期最受人關注的李波案作回應，笑言無護照一樣可以出境，指「用自己方法咪得」。


（政府新聞網fb圖片）