黃子華的最後一個棟篤笑《金盆𠺘口》今日（3月26日）起正式開始預售門票，惟不少捧場客都表示未能成功預訂，反之卻有懷疑是黃牛黨，聲稱自己有「內部渠道」得到門票。黃子華今晚於社交網站上載兩條片段，呼籲支持者向黃牛黨說不，並要求當局正視問題。

為杜絕黃牛黨取利，黃子華宣佈門票下月在城市售票網公開發售時，每人只限購4張，並指原來有2日用來休息，現在都會用作演出，希望有更多門票選擇。

對於難以杜絕的黃牛問題，黃子華澄清自己的團隊無人有飛，對於坊間有人聲稱有「內部渠道」取得門票，本來有打算去報警，但就覺得無線索可以舉報，因為他指根據現有法例，黃牛並非完全犯法。黃子華認為，如果法例不改變時，根本難以杜絕黃牛黨，故要求政府正視黃牛問題。

對於被質疑「又食又拎」兼任黃牛黨，黃子華見到有關說法時都有點激動，亦自問沒有這個本事，他說：「大家都好辛苦準備一個表演，然後就有一啲完全唔需要付出嘅人，去賣一倍，兩倍，三四五六七倍嘅價錢，之後一啲好長期支持你嘅fans，要去承受呢啲價錢，我一路都好接受世界係唔完美，但係咁係太過不完美，係太過離譜！」他除了呼籲政府幫手，更呼籲觀眾不要購買黃牛飛。