民建聯立法會議員蔣麗芸，昨天（4月23日）在立法會訓斥港人「你飲得人哋嘅東江水，你就要感恩」，結果被網民套用其邏輯，紛紛發表留言恥笑，如「食得泰國米，你要向泰皇跪安」、「睇完日本AV，你要向日皇明仁敬禮」，以及「請到個菲傭，記得多謝阿基諾三世」。想不到就連歌手張敬軒，昨晚上也在 Instagram 抽蔣麗芸水。

張敬軒昨晚在 Instagram 上載了一鍋雞中翼之相片，並留言指「今晚屋企煎焗雞中翼，我好感恩！好想多謝生呢幾隻雞嘅雞公同埋雞乸！仲有唔知喺世界邊忽嘅雞場老闆！」，其後又指「陣間食生果記得跪謝李嘉誠先生，因為喺百佳買㗎」，還要「多謝德國寶發明個煲」。在留言中他也直認抽水，指「東江水已乾」。

不少網友留言大讚「軒仔好嘢，因為有血有肉的藝人已不多」，也有人認為豈止東江水，「咩水都比軒仔抽乾」，也有人繼續抽水，表示「要多謝地產商令到我哋有屋企，就算有交租都要感恩」。