人類最痛莫過於生育、打中腎囊、同埋踩到擺地下嘅LEGO。美國有位LEGO玩家就偏向虎山行，日前以834米成功刷新赤腳行走LEGO路最遠距離世界紀錄。

美國維珍尼亞州LEGO玩家Russell Cassevah，佢有一項拿手絕技就係踩LEGO積木路，今年1月，英國一個向入院兒童派發LEGO的慈善組織被偷走近2000盒LEGO，Russell就仗義為該組織籌款，赤腳走了120呎（約36.5米）的LEGO路，籌得善款之餘更打破健力士世界紀錄。不過Russell的紀錄短短數月間被兩人超越，為重奪寶座，Russell決定在4月20日至23日在費城舉行的Philly Brick Fest中，挑戰當時紀錄1264呎（約385米）。

根據健力士規定，挑戰者需要赤腳並穩定地在LEGO路前行，以及每一步都要踩上LEGO積木。最終他在紅卜卜嘅LEGO路面上，一路蹣跚前行一路慘叫之下，以2737呎（約834米）打破健力士世界紀錄，超越舊紀錄足足一倍。

片段所見，Russell行到腳底都刮損，真係睇見都痛。不過他順利完成壯舉，坐輪椅由健力士見證人手上領取證書一刻，乜都抵返晒。

（Beyond the Brick片段截圖）