上一次去布吉已經15年前，今次過去玩幾日，起初感覺無乜點變，係多咗啲私家車咁樣。

但一去到Phuket Central Mall，周街都係大陸團，去到邊啲店員都係咁「li姣，li姣...」

無嘢呀，響香港已經成日見，來到泰國又係咁。不過，作為一個文化人，我當然包容理解啦，揾食啫，又唔係犯法，何況犯法又點喎？

到咗夜晚，我地本來約咗個的士司機11點接我地去機場，但我都係唔放心，9點幾就打電話俾個司機提佢11點到，點知打咗成個鐘都唔通，商場customer service仲話佢電話關咗機！！！

心諗，唔係呀，居然放飛機？

於是，我10點左右就說：「老婆，不如唔好等個司機啦，我哋無留電話又無落訂，都唔知個司機來唔來。如果商場關門，揾唔到的士去機場咪大檸樂！？」

但我老婆就有啲猶豫話：「吓，如果佢真係11點到，咁我地走咗去，好似好衰喎。」跟住佢就走咗去買嘢食，我就坐響老麥入面望住兩個韓妹發夢。

突然間，有個男人走埋來同我講hello，我抬頭一望，定一定神，原來就係個的士司機。

佢同我講，早一日聽我地話約11點都覺得奇怪，因為個mall明明10點關門，於是佢就10點到咗，但咁啱佢電話又壞左，跟住佢就問人借電話打去customer service問，就知道我地響老麥hea了。

響車上面，我響度諗，到底係個泰國司機無變，定係我呢個香港人漸漸失去對陌生人的信任？點解憑空的承諾，雙方只係口頭答應，佢都會信守諾言？如果毀約，又唔會有實質懲罰，但點解偏偏個泰國司機就係言而有信，偏偏就係咁令人值得尊重？

去到機場，又見到一堆又一堆的大陸人，佢哋一樣咁嘈，一貫周地食生果...

呢一刻我覺得好感嘆，點解一個「强國」廿幾年前可以白紙黑字簽署承諾，但一次又一次出爾反爾，甚至反過頭來說了你欠了他似的？